तनहुँको मादी पुलबाट जीप खस्दा तीन जनाको मृत्यु

समाज

Home
समाज
तनहुँको मादी पुलबाट जीप खस्दा तीन जनाको मृत्यु

तनहुँको मादी पुलबाट जीप खस्दा तीन जनाको मृत्यु

तनहुँ : पृथ्वीराजमार्ग अन्तरगत तनहुँको व्यास नगरपालिकाको वडा नम्बर ३ र ४ जोड्ने मादी नदी पुलबाट शनिबार राति करिब ११ः ३० बजेको समयमा जीप खस्दा तीन जनाको मृत्यु भएको छ । दमौलीबाट चापाघाटतर्फ जाँदै गरेको ग२च ५७६० नम्बरको जिप पुलको रेलिङ भत्काएर मादी नदीमा खसेको जिल्ला प्रहरीले जनाएको छ ।

जिल्ला प्रहरी निरीक्षक राजु अधिकारीका अनुसार जिपमा पाँच जना सवार थिए । दुर्घटनामा अन्य दुई जना घाइते भएका छन् । घाइतेहरूको दमौली अस्पतालमा प्राथमिक उपचार पश्चात एक जनालाई थप उपचारका लागि पोखरा रिफर गरिएको छ । घाइतेमध्ये एक जना गम्भीर छ भने चालकको अवस्था सामान्य रहेको छ ।

प्रहरीका अनुसार मृत्यु हुनेमा व्यास–५ का ३५ वर्षी प्रविन थापामगर, सोही ठाउँका २२ वर्षीय कुमार थापा र २० वर्षका कुशल थापा रहेका छन् । उनीहरुको दमौली अस्पतालमा मृत्यु भएको हो । दुर्घटनाका घाइतेलाई नेपाली सेनाको कालीभञ्जन गण, नेपाल प्रहरी र स्थानीयले उद्धार गरेका थिए ।

प्रकाशित मिति: आइतबार, जेठ ११, २०८२ ०८:५६

प्रतिक्रिया दिनुहोस्