दुम्कीवास-दाउन्ने सडक चार दिनदेखी ठप्प

समाज

Home
समाज
दुम्कीवास-दाउन्ने सडक चार दिनदेखी ठप्प

दुम्कीवास-दाउन्ने सडक चार दिनदेखी ठप्प सडक अवरुद्ध भएपछि घण्टौँ पैदल यात्रा

नवलपरासी : पूर्व-पश्चिम राजमार्गको दुम्कीवास-दाउन्ने सडक खण्डबाट आवत-जावत गर्न समस्या भएको छ । वर्षासँगै बढेको विनयी खोलाको बाढी र दाउन्ने क्षेत्रमा सडक हिलाम्मे हुँदा नारायणगढ-बुटवल खण्ड चार दिनदेखि ठप्प रहेको हो । प्रहरीका अनुसार यात्रु, सवारी चालक र सर्वसाधारणले अत्यन्त कठिन परिस्थितिको सामना गरिरहेका छन् ।

काठमाडौँबाट नेपालगन्ज जाँदै गरेको भे १ ख ४०८५ नम्बरको यात्रुवाहक बस बिहीबार राति विनयी खोलाको डाइभर्सनमा फसेको थियो । बाढीको भेलले बस बगाउने अवस्था सिर्जना भएपछि २४ जना यात्रुलाई जेसिभीको सहायताबाट सुरक्षाकर्मीले सकुशल उद्धार गरेका थिए । सडक अवरुद्ध भएपछि यात्रुले घण्टौँ पैदल यात्रा गर्न थालेका छन् ।

लामो दूरीका सवारी चालक गाडीमै रात बिताउन बाध्य छन् । जंगलबीचमा खाना र पानी नपाउने अवस्था सिर्जना भएको छ । मालवाहक गाडी सडकमा अलपत्र परेका छन् । यात्रुहरूको पीडा देखेर विनयी त्रिवेणी गाउँपालिका–१ का स्थानीय युवा, व्यवसायी र सामाजिक संघ, संस्थाले निःशुल्क खानाको व्यवस्था गर्दै आएका छन् ।

दुम्कीवासमा स्थानीयले भात, दाल तरकारी र शुद्ध पानी निःशुल्क वितरण गर्दै यात्रुलाई राहत दिइरहेका छन् । शुक्रबार मात्र एक हजार ५०० यात्रुले खाना खाएको बताइएको छ । प्रमुख राजमार्गको रूपमा रहेको पूर्व–पश्चिम राजमार्ग क्षेत्र नै अहिले अस्तव्यस्त बन्दा धेरै समस्या सृजना भएका छन् ।

प्रकाशित मिति: शनिबार, असार ७, २०८२ ०८:२१

प्रतिक्रिया दिनुहोस्