बाँकेमा 'जानकी पर्यटन प्रवर्द्धन तथा प्रथम साहित्यिक महोत्सव'

कला/साहित्य

Home
कला/साहित्य
बाँकेमा 'जानकी पर्यटन प्रवर्द्धन तथा प्रथम साहित्यिक महोत्सव'

बाँकेमा 'जानकी पर्यटन प्रवर्द्धन तथा प्रथम साहित्यिक महोत्सव'

नेपालगन्ज : बाँकेको जानकी गाउँपालिकामा पहिलो पटक शनिबार जानकी पर्यटन प्रवद्र्धन तथा प्रथम साहित्यिक महोत्सव २०८२ आयोजना गरिएको छ । पर्यटन प्रवर्द्धनसँगै स्थानीय कला सँस्कृति र साहित्यको संरक्षण गर्ने उद्देश्यले आयोजना गरिएको हो ।

जानकी गाउँपालिका र भेरी साहित्य समाज केन्द्रीय समिति नेपालगन्जले आयोजना गरेको महोत्सवमा नेपाल र भारतका पर्यटन व्यवसायी र वरिष्ठ साहित्यकारको सहभागिता रहेको थियो । भेरी साहित्य समाजका केन्द्रिय अध्यक्ष ईन्द्रबहादुर बस्नेतको सभापतित्वमा आयोजित महोत्सवको जानकी गाउँपालिकाका उपाध्यक्ष रामप्यारी यादवले गरेकी थिइन् ।

उक्त महोत्सवमा सांस्कृतिक कार्यक्रम, स्रष्टा सम्मान, मुशायरा, कवि सम्मेलनका साथै पर्यटन प्रवद्र्धनको वर्तमान अवस्था र सम्भावनाबारे कार्यपत्र प्रस्तुत गरिएको छ । जानकी पर्यटन प्रवर्द्धन : वर्तमान अवस्था र सम्भावनाका बिषयमा वरिष्ठ साहित्यकार डा. राजकुमार थारु र ईश्वरी प्रसाद रिजालले प्रस्तुत गरेका छन् । कार्यक्रममा विभिन्न सांगितिक प्रस्तुती समेत गरिएको थियो ।