संसदमा रोकिएको ‘खानी विधेयक’ स्वीकृत

राजनीति

Home
राजनीति
संसदमा रोकिएको ‘खानी विधेयक’ स्वीकृत

संसदमा रोकिएको ‘खानी विधेयक’ स्वीकृत

काठमाडौं : गणपूरक संख्या नपुगेर रोकिएको ‘खानी तथा खनिज पदार्थ विधेयक’ माथि विचार गरियोस् भन्ने प्रस्ताव प्रतिनिधिसभाबाट बहुमतले स्वीकृत भएको छ ।

प्रतिनिधिसभा बैठकमा सोमबार सभामुख डोलप्रसाद अर्यालले उक्त विधेयकमाथि विचार गरियोस् भन्ने प्रस्ताव निर्णयार्थ प्रस्तुत गरेपछि बैठकले उक्त प्रस्तावलाई बहुमतले स्वीकृत गरेको हो ।

यसअघि गत साउन २६ गतेको बैठकमा गणपूरक संख्या नपुगेपछि यो प्रस्ताव निर्णयार्थ प्रस्तुत हुन सकेको थिएन । कुनै पनि प्रस्ताव निर्णयार्थ पेस गर्न कम्तीमा ६९ जना सांसदको उपस्थिति आवश्यक पर्नेमा तीन मिनेट घण्टी बजाएर संख्या यकिन गर्दा सदनमा ६१ जना सांसद मात्रै उपस्थित थिए ।

आवश्यक संख्या नपुगेपछि सभामुख अर्यालले उक्त विधेयकलाई अर्को बैठकमा निर्णयार्थ प्रस्तुत गर्ने भन्दै त्यस दिनको प्रक्रिया स्थगित गरेका थिए । सोमबारको बैठकले यसलाई अघि बढाएसँगै विधेयकमाथिको थप संसदीय प्रक्रिया सुरु भएको छ ।

प्रकाशित मिति: सोमबार, भदौ १, २०८३ १६:१९

प्रतिक्रिया दिनुहोस्