प्रदेश २ निर्वाचन स्थलमा कांग्रेसको देउवा र निधि पक्षबीच विवाद

राजनीति

Home
राजनीति
प्रदेश २ निर्वाचन स्थलमा कांग्रेसको देउवा र निधि पक्षबीच विवाद

प्रदेश २ निर्वाचन स्थलमा कांग्रेसको देउवा र निधि पक्षबीच विवाद

वीरगन्ज : प्रदेश २ मा जारी नेपाली कांग्रेसको प्रदेश कार्य समितिको पहिलो अधिवेशनका क्रममा दुई समूहबीच विवाद उत्पन्न भएको छ । जनकपुरधामस्थित कांग्रेस प्रदेश २ को निर्वाचनस्थल गोपाल धर्मशालामा सभापति शेरबहादुर देउवा र नेता विमलेन्द्र निधि पक्षधरबीच विवाद बढेपछि कुटाकुट समेत भएको प्रहरीले जनाएको छ ।

प्रदेश २ मा नेताहरु दुईवटा प्यानल बनाएर मैदानमा उत्रिएका छन् । सभापति देउवा पक्षधरले रामकृष्ण यादवलाई अघि सारेका छन् । रामसरोज यादवले निधि तथा डा. शेखर कोइरालाको साथ पाएका थिए । यस्तोमा दुवै पक्षका कार्यकर्ताबीच अधिवेशनस्थलमै मुक्का हानाहान भएको हो ।

अधिवेशन जारी रहँदा निधि पक्षले बिहीबार दिउँसो मात्रै मतदान गर्नुपर्ने अडान लिएको छ । उता देउवा पक्षले भने बुधबार राति नै मतदान गराउन अडान लिएको छ । यही विवादले उग्र रुप लिएपछि प्रदेश अधिवेशनमा सहभागी दुवै पक्षका प्रतिनिधिबीच कुटाकुट भएको हो ।

रामसरोज प्रदेश २ कांग्रेसका संसदीय दलका नेता तथा भौतिक पूर्वाधार विकासमन्त्री हुन् भने रामकृष्ण यादव पार्टीको रौतहट जिल्ला सभापति हुन् ।

प्रकाशित मिति: बुधबार, पुस ७, २०७८ १८:४०

प्रतिक्रिया दिनुहोस्