अझै रोकिएन संक्रमण, दुई संक्रमितको मृत्यु

स्वास्थ्य

Home
स्वास्थ्य
अझै रोकिएन संक्रमण, दुई संक्रमितको मृत्यु

अझै रोकिएन संक्रमण, दुई संक्रमितको मृत्यु

कोरोना संक्रमितले उपचार गराइरहेको भेरी अस्पताल नेपालगन्ज । तस्बिर : दूरसञ्चार

नेपालगन्ज : कोरोना भाईरस(कोभिड १९) संक्रमणबाट बाँकेमा थप दुई जनाको मृत्यु भएको छ । मृत्यु हुनेमा सल्यान र दाङका दुई जना महिला रहेका छन् । उनीहरु दुबै जनाको भेरी अस्पतालमा उपचारका क्रममा मृत्यु भएको हो ।

त्रिवेणी गाउँपालिका वडा नम्बर ६ सल्यानकी ६६ वर्षीया महिलाको मृत्यु भएको हो । सल्यानमा गत साउन ३२ गते पिसिआर परिक्षण गर्दा उनलाई कोरोना पोजेटिभ देखिएको थियो । स्वास्थ्यमा समस्या देखिएपछि भदौं ६ गते भेरी अस्पतालमा ल्याएर भर्ना गरिएको थियो ।

स्वास्थ्यमा कुनै सुधार नआएपछि बुधबार राती ९ बजे मृत्यु भएको जिल्ला कोभिड–१९ संकट ब्यवस्थापन केन्द्र बाँकेका फोकल पर्सन तेज ओलीले जानकारी दिए । उनका अनुसार गढवा गाउँपालिका वडा नम्बर ६ दाङकी ९५ वर्षीया महिलाको पनि कोरोना संक्रमणबाट मृत्यु भएको छ । भेरी अस्पतालमा यही भदौं १२ गते भर्ना भएकी उनलाई भोलीपल्ट कोरोना पोजेटिभ भएको थियो ।

स्वास्थ्यमा कुनै सुधार नआएपछि बुधबार बेलुकी ७ बजेर २० मिनेटमा मृत्यु भएको हो । यो सँगै कोरोना संक्रमणबाट जिल्ला बाहिरबाट उपचारका लागि आएका ४ सय र बाँके जिल्लाका ३ सय २९ जनाको मृत्यु भएको फोकल पर्सन ओलीले जानकारी दिए ।

प्रकाशित मिति: बिहीबार, भदौ १७, २०७८ १०:४७

प्रतिक्रिया दिनुहोस्