प्रचण्डको प्रष्टीकरण, ‘न्याय क्षेत्र झन् अराजक बन्न लागेपछि महाअभियोग ल्यायौं’

राजनीति

Home
राजनीति
प्रचण्डको प्रष्टीकरण, ‘न्याय क्षेत्र झन् अराजक बन्न लागेपछि महाअभियोग ल्यायौं’

प्रचण्डको प्रष्टीकरण, ‘न्याय क्षेत्र झन् अराजक बन्न लागेपछि महाअभियोग ल्यायौं’

जनकपुरधाम : नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले प्रधानन्यायाधीश चोलेन्द्रशमशेर राणाले निकास नदिएपछि महाअभियोग दर्ता गरिएको प्रष्ट्याएका छन् ।

मधेसको राजधानी जनकपुरधाममा आइतबार पत्रकारसँग कुरा गर्दै उनले न्याय क्षेत्रमा देखिएको अन्योल, अराजकता र बेथिती हटाउन प्रधानन्यायाधीश राणाले नै पहल गरून् भन्ने गठबन्धनको चाहना भएपनि उनले त्यसो नगरेपछि महाअभियोग ल्याइएको बताए ।

प्रचण्डले भने, ‘केही समयदेखि नेपाली न्याय क्षेत्रमा देखिएको अन्योल, अराजकता र बेथिति दुस्खद थियो। न्यायाधीश र अधिवक्ताहरू आन्दोलनमा थिए, हामीले यसको सहज निकास चाहेका थियौं, त्यसका लागि पहल पनि गर्यौंं, प्रधानन्यायाधीशले विदा बसेर हुन्छ कि सबैलाई विश्वासमा लिएर हुन्छ निकास दिनुको साटो न्याय क्षेत्र झन् अराजक बन्न लागेपछि संवैधानिक प्रक्रिया थालिएको हो ।’

प्रचण्डले राणामाथि महाअभियोग लगाउने विषयमा सत्तारूढ गठबन्धनका सबै दलहरू सहमत भएकाले यसले गठबन्धनलाई अझ बलियो बनाउने बताए ।

प्रकाशित मिति: आइतबार, फागुन १, २०७८ १८:१४

प्रतिक्रिया दिनुहोस्