बाँकेमा ७० जना औलोका नयाँ बिरामी फेला

स्वास्थ्य

Home
स्वास्थ्य
बाँकेमा ७० जना औलोका नयाँ बिरामी फेला

बाँकेमा ७० जना औलोका नयाँ बिरामी फेला बाँकेमा औलोको पुनः उच्च जोखिम

नेपालगन्ज : बाँकेमा चालु आर्थिक वर्षको हालसम्म ७० जना औलोका बिरामी फेला परेका छन् । नेपालगन्जमा सोमबार आयोजित कार्यक्रममा यस्तो जानकारी दिइएको हो ।

चालू आर्थिक वर्षको हालसम्म औलोका ७० वटा बिरामी भेटिएको र सबैभन्दा बढी नरैनापुर गाउँपालिकामा रहेको स्वास्थ्य कार्यालय बाँकेका मलेरिया फोकल पर्शन दुर्गा गौतमले जानकारी दिइन । लामो समयदेखि औलोको सङ्क्रमण दर घट्दो मात्रामा छ, तर भारत लगायत बाह्य देशबाट भित्रिने नागरिकमा यो रोगको सङ्क्रमण बढी देखिएको उनले बताइन् ।

गौतमका अनुसार आयातित बिरामीका कारण बाँकेमा औलोको पुनः उच्च जोखिम देखिएको हो । स्थानीयमा औंलो देखिन थालेपछि नियन्त्रण गर्न चुनौती थपिएको स्वास्थ्य कार्यालय बाँकेका प्रमुख धीरजंग शाहले बताए ।

नेपालगन्ज उपमहानगरपालिकाका प्रमुख प्रशासकीय अधिकृत जगत बस्नेतले बढ्दो प्रविधिको प्रयोग र उपयोगितासंगै स्वास्थ्य सम्बन्धि जागरुकता हराउँदै गएको प्रति चिन्ता ब्यक्त गरे । नेपालगन्ज उपमहानगरपालिकाका स्वास्थ्य शाखा प्रमुख रामबहादुर चन्दले सर्वसाधरण औंलो रोगप्रति सचेत र जागरुक नदेखिएको बताए ।

उपमहानगरपालिका मलेरिया रोग फोकल पर्सन तेज ओलीका अनुसार नेपालगन्ज उपमहानगरपालिकाले जमुनाह नाकामा राखेको हेल्थ डेस्कमा भारतबाट आउने नागरिकलाई औलो परीक्षण गर्ने गरेको छ ।

प्रकाशित मिति: सोमबार, फागुन २, २०७८ २२:०२

प्रतिक्रिया दिनुहोस्