एमालेकै कारण मधेसी जनताको आकांक्षाबमोजिम संविधान संशोधन हुन सकेन : प्रचण्ड

राजनीति

Home
राजनीति
एमालेकै कारण मधेसी जनताको आकांक्षाबमोजिम संविधान संशोधन हुन सकेन : प्रचण्ड

एमालेकै कारण मधेसी जनताको आकांक्षाबमोजिम संविधान संशोधन हुन सकेन : प्रचण्ड

धनुषा : माओवादी केन्द्रका अध्यक्ष पुष्पकमल दाहाल ‘प्रचण्ड’ले एमालेकै कारण मधेसी जनताको आकांक्षाबोजिम संविधान संशोधन हुन नसकेको आरोप लगाएका छन् ।

धनुषामा शनिबार (आज) आयोजित चुनावी सभालाई सम्बोधन गर्दै दाहालले विगतमा आफू प्रधानमन्त्री हुँदा मधेसी जनताको मागबमोजिम संविधान संशोधन प्रस्ताव संसदमा पेस गर्दा एमालेले विरोध जनाएका कारण असफल हुन पुगेको बताए । मधेसी जनताका माग पूरा हुन नदिने एमाले अहिले मधेसमा भ्रम छर्दै हिँडिरहेको उनले बताए ।

एमालेले राजावादीका अलावा समानुपातिक, समावेशी सिद्धान्त र संघीयता विरोधीसँग गठबन्धन गरेर अघि बढिरहेको प्रचण्डको भनाइ थियो । मधेसी जनताको अधिकार प्राप्ति र मधेसको समग्र विकासका लागि पाँच दलीय गठबन्धन बनेको र गठबन्धनको पक्षमा देशभरि लहर आएको दाबी उनले गरे ।

प्रकाशित मिति: शनिबार, वैशाख २४, २०७९ १४:१०

प्रतिक्रिया दिनुहोस्