नेपालगन्ज : नेपालगन्जमा लायन रामनारायण मधुमेह सेवा केन्द्र सञ्चालनमा ल्याईएको छ । उक्त केन्द्रको सोमबा एक कार्यक्रमका बीच स्वास्थ्य राज्यमन्त्री हिराचन्द्र केसीले उद्घाटन गरेका हुन् ।
करिब २० लाखको लागतमा मधुमेह सेवा केन्द्र निर्माण गरिएको लायन्स पूर्व डिष्ट्रिक गभर्नर सेम शाक्यले बताए । केन्द्र सञ्चालनमा लायन रामनारायणको परिवारबाट करिब १२ लाख बाँकी स्रोत लायन्स मेम्बर तथा क्लबहरुबाट जुटाइएको शाक्यले जानकारी दिए ।
लायन शाक्यले केन्द्रबाट बजारमा गरिने परीक्षण भन्दा ५० प्रतिशत कम शुल्कमा रक्त परीक्षण गर्ने बताए । उनले सेवा केन्द्रबाट लिभर, किड्नीको फङ्सन परीक्षण पनि हुने जानकारी दिए । केन्द्रमा २ जना कन्स्लटेन्ट चिकित्सकले सेवा समेत दिने उनको भनाइ छ ।
नेपालमा मधुमेहका बिरामीको संख्या बढ्दो रहेको छ । मधुमेहका बिरामीको एकिन तथ्यांक भने छैन । कुनै स्वास्थ्य समस्या लिएर अस्पताल पुग्दा मधुमेह पुष्टी हुने गरेको चिकित्सकले बताएका छन् । मधुमेहका बिरामी बढ्दै गएपछि उनीहरुलाई लक्षित गरेर छुट्टै अस्पताल स्थापना गरिनु उपलब्धीपूर्ण रहेको मन्त्री केसीले बताए । उनले लायन रामनारायणले अस्पताल निर्माणका लागि पु¥याएको योगदानको उच्च प्रशंसा गरे ।
नेपालगन्जका नगर प्रमुख प्रशान्त विष्टले अस्पताल सञ्चालनमा आउनु सुखद् कुरा भएको भन्दै उपमहानगरबाट हुन सक्ने आवश्यक सहयोगको प्रतिबद्धता जनाए । पछिल्लो समय परिर्वतित जीवनशैलीका कारण लाखौँ मानिसहरुमा मधुमेहको समस्या बढी देखिन थालेको चिकित्सकहरुले बताएका छन ।
मधुमेह नियन्त्रणमा ल्याउनका लागि जंक फुड, धूमपान र मद्यपानको सेवन गर्न नहुने चिकित्सक बताउँछन् । यस्तै मिर्गौला, कलेजो, मुटु, आँखालगायतका महत्वपूर्ण अंगमा ठूलो असर गर्न सक्ने भएकाले मधुमेह हुनबाट जोगिन आवश्यक रहेको छ ।
_Gyapan-Patra-Camups-Chief-1753953903.jpg)
