भेरी अस्पतालको दोस्रो भवन निर्माण गर्न बजेट स्वीकृत

स्वास्थ्य

Home
स्वास्थ्य
भेरी अस्पतालको दोस्रो भवन निर्माण गर्न बजेट स्वीकृत

भेरी अस्पतालको दोस्रो भवन निर्माण गर्न बजेट स्वीकृत

नेपालगन्ज : नेपालगन्जस्थित भेरी अस्पतालको दोस्रो ब्लक निर्माणका लागि सरकारद्वारा बजेट स्विकृत गरिएको छ । भेरीको दोस्रो ब्लक अन्र्तगत निर्माण हुने सात तले भवनका लागी सरकारद्वारा १ अर्ब २५ करोड रुपैयाँ स्वीकृत भएको हो । यो संगै अब भेरीको पुरानो भवनलाई भत्काई नयाँ भवन बन्नेछ ।

नयाँ बन्ने भवनमा अण्डर ग्राउण्ड पार्किङ र हेलिप्याड समेत रहनेगरी आधुनिक डिजाइनको अत्याधुनिक सेवा सुबिधा भएको भवन यसै वर्षदेखि निर्माण कार्यको सुरुवात हुने अस्पताल विकास समितिका सदस्य कृष्णप्रसाद श्रेष्ठले जानकारी दिए । अण्डरग्राउण्ड पार्किङ र हेलिप्याडसहितको सात तले सुविधा सम्पन्न भवनको यसअघि नै डिपिआर तयार भइसकेको छ । काठमाण्डौंको वीर अस्पताल पछि नेपालकै पुरानो अस्पताल भएपनि भेरी अस्पतालको भौतिक पूर्वाधारदेखि जनशक्ति र उपकरणको सवालमा राज्यको खासै ध्यान पुग्न सकेको थिएन ।

अस्पताल विकास समितिका नेतृत्व टिमका निरन्तर दवावकाबीच अस्पतालको भौतिक पूर्वाधारदेखि उपकरणको सवालमा राज्यले ढिलै भएपनि सम्वोधनको प्रयास सुरु गरेको भन्दै श्रेष्ठले खुसी व्यक्त गरे । यसअघि अस्पताल परिसरमा चार तले अर्को भवन निर्माण अन्तिम चरणमा पुगिसकेको छ । भौतिक संरचनासँगै पछिल्लो समय अस्पतालको सेवामा व्यापक सुधार हुँदै गएको छ ।

प्रकाशित मिति: सोमबार, भदौ ६, २०७९ २०:५४

प्रतिक्रिया दिनुहोस्