राप्ती नदीमा पानीको सतह ६ मिटर नाघ्यो, सर्तकता अपनाउन आग्रह

समाज

Home
समाज
राप्ती नदीमा पानीको सतह ६ मिटर नाघ्यो, सर्तकता अपनाउन आग्रह

राप्ती नदीमा पानीको सतह ६ मिटर नाघ्यो, सर्तकता अपनाउन आग्रह

नेपालगन्ज : अविरल वर्षाका कारण बाँकेको कुसुमस्थित राप्ती नदीमा पानीको सतह ६ मिटर पुगेको छ । जबकी नदीमा पानीको सतह ५ मिटर ४० सेन्टिमिटर पुगेपछि खतरा मानिन्छ ।

शनिबार बिहान सवा ९ बजेतिर २० मिनेटको रेकर्ड अनुसार कुसुममा नदीको सतह ६.१३ मिटर पुगेको जिल्ला आपतकालिन कार्यसञ्चालन केन्द्रका सूचना ब्यवस्थापन अधिकृत रुपन ज्ञवालीले जानकारी दिए । पहाडी जिल्ला रोल्पा, प्युठानमा अत्यधिक वर्षा भएका कारण राप्ती नदीमा पानीको सतह बढेको हो ।

राप्त तटिय क्षेत्र र डुबान भइरहने होचो भुभागमा बस्ने सर्बसाधारणले सर्तकता अपाउन उनले आग्रह गरेका छन् । कुसुमबाट करिव ५ घण्टाको अन्तरमा राप्तीको तल्लो तटिय क्षेत्र फत्तेपुर, गंगापुर, होलिया, बेतहनी, कम्दी लगायत स्थानमा बाढी आउँछ ।

भारतले अन्तराष्ट्रिय कानुन विपरित निर्माण गरेको लक्ष्मणपुर बाँध, कलकलवा बाँधका कारण हरेक वर्ष ठुलो बाढी आउने वित्तिकै बाँकेका आधा दर्जन बढी गाउँ डुब्दै आएका छन् । बाढीका कारण हजारौं विघा खेतीयोग्य जमिन कटान र पटान भइसकेको छ ।

प्रकाशित मिति: शनिबार, असोज १, २०७९ ०९:४२

प्रतिक्रिया दिनुहोस्