रूपन्देही २ मा सत्ता गठबन्धनका गुरूङको उम्मेदवारी खारेज

राजनीति

Home
राजनीति
रूपन्देही २ मा सत्ता गठबन्धनका गुरूङको उम्मेदवारी खारेज

रूपन्देही २ मा सत्ता गठबन्धनका गुरूङको उम्मेदवारी खारेज

बुटवल : रूपन्देही क्षेत्र नम्बर २ मा सत्ता गठबन्धनबाट उम्मेदवारी दिएका राजु गुरूङको उम्मेदवारी खारेज भएको छ । खारेज भएसँगै एमालेबाट उम्मेदवारी दिएका उपाध्यक्ष विष्णु पौडेललाई चुनाव लड्न सहज भएको छ।
अदालतले बैंकिङ कसुरमा गुरूङलाई जरिवाना गरेकाले उम्मेदवार बन्न अयोग्य भएको ठहर गर्दै आयोगले उम्मेदवारी खारेज गरिदिएको हो ।
विगतमा गुरूङको फर्मका ८ वटा चेक बाउन्स भएको थियो। सहायक निर्वाचन अधिकृत घनश्याम गौतमले मंगलबार बेलुकी निकालेको विज्ञप्तिमा गुरूङको मनोनयन खारेज हुने गरी निर्णय भएको उल्लेख गरेका थिए ।
गुरुङलाई अदालतले बैंकिङ कसुरमा दुई हजार रूपैयाँ जरिवाना गरेको र उक्त जरिवानासहितको भुक्तानी दिनुपर्ने रकम नदिएको प्रमाण फेला परेपछि उनको उम्मेदवारी खारेज गरेको हो ।

प्रकाशित मिति: बुधबार, असोज २६, २०७९ १४:३७

प्रतिक्रिया दिनुहोस्