धन्वन्तरी जयन्तीमा विविध कार्यक्रम

स्वास्थ्य

Home
स्वास्थ्य
धन्वन्तरी जयन्तीमा विविध कार्यक्रम

धन्वन्तरी जयन्तीमा विविध कार्यक्रम

नेपालगन्ज : नेपालगन्जमा राष्ट्रिय आरोग्य दिवस तथा धन्वन्तरी जयन्तीमा विविध कार्यक्रम गरिएको छ । आयुर्वेदका प्रवर्तक भगवान धन्वन्तरी उत्पत्ति भएको सम्झनामा आयुर्वेद स्वास्थ्य केन्द्रको आयोजनामा स्वस्थ पर्यावरण र समुन्नत स्वास्थ्यका लागि आयुर्वेद भन्ने नारा सहित कार्यक्रम गरिएको हो ।

आयुर्वेद स्वास्थ्य केन्द्रमा आयोजित कार्यक्रममा आयुर्वेदका प्रवर्तक भगवान धन्वन्तरी, आयुर्वेदको महत्व लगायतका विषयमा चर्चा गरिएको थियो । साथै बाँके आयुर्वेद स्वास्थ्य केन्द्रमा कार्यरत ४ जना कर्मचारीलाई सम्मान पनि गरिएको छ । वरिष्ठ कविराज निरिक्षक डा. गीता रेग्मी, कविराज निरिक्षक दिलीप कुमार नायक, वरिष्ठ वैद्य सीताराम चौधरी र कार्यालय सहयोगी बल बहादुर बोहरालाई सम्मान पत्र प्रदान गरिएको हो ।

जिल्ला समन्वय समिति बाँकेका प्रमुख ज्ञानेन्द्र चौधरीले परापुर्वकालदेखि चली आएको आयुर्वेद उपचार पद्धतीलाई व्यापक र प्रभावकारी बनाइनु पर्ने आवश्यक्तामा जोड दिए । यस्तै नेपालगन्ज उपमहानगरपालिकाका प्रमुख प्रशान्त विष्टले आयुर्वेदिक औषधीले नकरात्मक असर नगर्ने भएकाले यसको अझैं महत्व रहेको भन्दै यसलाई राज्यले सोही अनरुप व्यवस्थित गर्दै लैजानु पर्नेमा जोड दिए ।

नेपालगञ्ज मेडिकल कलेजका निर्देशक डा. सन्तोश शर्माले धन्वन्तरीको योगदान र आयुर्वेदको महत्वको बारेमा प्रकाश पार्दै आयुर्वेद क्षेत्र राज्यको गलत नीतिकाकारण कारण पछाडि पर्दै गएको उल्लेख गरे । बाँके आयुर्वेद स्वास्थ्य केन्द्रका अधयक्ष डा. अनिल कुमार चौधरीको सभापतित्वमा भएको कार्यक्रममा धन्वन्तरीको फोटोमा पुष्प अर्पण गरिएको थियो ।

यस्तै बाँके आयुर्वेद स्वास्थ्य केन्द्रका तर्फबाट नेत्रहिन संघ बाँकेमा रहेका १५ जना किशोर किशोरीलाई च्वयन प्राशसहित फलफल वितरण गरिएको थियो ।

प्रकाशित मिति: आइतबार, कात्तिक ६, २०७९ २२:५७

प्रतिक्रिया दिनुहोस्