नेपालगन्ज : निर्वाचनको खटनपटनले उनको ब्यस्तता यतिखेर ह्वात्तै बढाएको छ । अचेल बिहानदेखी बेलुकासम्म कार्यालयमै बित्छ, उनको समय । जिल्ला निर्वाचन कार्यालय बाँकेकी प्रमुख रमा पन्तलाई अहिले निर्वाचनको काम गर्न भ्याई नभ्याई छ ।
दुई वटा निर्वाचन गराउने सक्ने कार्यालय प्रमुख हुन्, रमा । २०७९ बैशाख ३० मा स्थानीय तहको निर्वाचन सम्पन्न गराउन र मंसिर ४ गते हुन लागेको निर्वाचनमा उनले नेतृत्वदायी निभाउन सफल भइन् । ‘अहिले त बिहान ७ बजेदेखी राती साढे ११ बजेसम्म कार्यालयमा बसेर काम गर्नुपर्ने अवस्था छ,’ मुस्कुराउँदै उनले भनिन् ‘काम गर्ने क्रममा अलि दुःख भएपनि आफुले पाएको जिम्मेवारी पुरा गर्दा गर्व महसुस हुन्छ ।’
निर्वाचन सम्पन्न गरेर परिणाम नआउँदा सम्म ब्यस्तता बढ्ने रमा बताउँछिन् । कार्यालय प्रमुख भएर निर्वाचनको जिम्मेवारी पुरा गर्दा गाह्रो भएपनि टिममा मिलेर काम गरिरहेको सुनाईन् । निर्वाचन क्षेत्र अनुसार कामको बाँडफाँट हुने भएकाले कामको केही भार कम हुने गरेको उनले बताइन् ।
निर्वाचन कार्यालय बाँकेमा ७ जना कर्मचारी छन् । यसमध्ये ३ जना कर्मचारी श्रेणी बिहिन हुन् । निर्वाचन जस्तो संवेदनशिल समयमा यति थोरै कर्मचारीले काम गर्न कसरी सम्भव हुन्छ ? भन्ने प्रश्नमा कार्यालय प्रमुख रमाले भनिन्, ‘कर्मचारी संख्या अपुग त हो, तर काम परेको बेलामा केही कर्मचारीलाई काजमा ल्याएर पनि काम चलाउने गरेका छौं ।’
महिला भएर पनि कार्यालय प्रमुखको जिम्मेवारी पाएपछि सफलता पूर्वक पुरा गर्न सक्छन् भन्ने उदाहरण हुन्, रमा । नेपालगन्ज उपमहानगरपालिका वडा नम्बर १ धम्बोझी निवासी उनी निर्वाचन कार्यालय प्रमुखका रुपमा विगत ७ महिनादेखी कार्यरत छिन् ।
भिडियो हेर्नुस् :
