दाङका ६७ वर्षीय संक्रमित पुरुषको भेरी अस्पतालमा मृत्यु

स्वास्थ्य

Home
स्वास्थ्य
दाङका ६७ वर्षीय संक्रमित पुरुषको भेरी अस्पतालमा मृत्यु

दाङका ६७ वर्षीय संक्रमित पुरुषको भेरी अस्पतालमा मृत्यु

नेपालगन्ज : कोरोना संक्रमणबाट भेरी अस्पतालमा थप एक ब्यक्तिको मृत्यु भएको छ । मृतक दाङका ६७ वर्षीय पुरुष हुन् । 'जिल्ला कोभिड-१९ संकट ब्यवस्थापन केन्द्र' बाँकेले दिएको जानकारी अनुसार घोराही उपमहानगरपालिका वडा नम्बर १० का ६७ वर्षीय पुरुषको उपचारका क्रममा मृत्यु भएको हो ।

नेपालगन्ज मेडिकल कलेज शिक्षण अस्पताल कोहलपुरमा गत भदौं १९ गते पिसिआर परिक्षण गर्दा उनलाई कोरोना पुष्टी भएको थियो । त्यसपछि उनलाई भदौं २२ गते भेरी अस्पतालमा ल्याएर भर्ना गरिएको थियो । उपचार गर्दा पनि स्वास्थ्यमा कुनै सुधार नआएपछि बिहीबार राति ११ बजेर ३० मिनेटमा मृत्यु भएको कोभिड फोकल पर्सन तेज ओलीले जानकारी दिए ।

यो सँगै बाँकेमा उपचारका लागि आएका ४ सय १६ जना कोरोना संक्रमितको मृत्यु भएको छ । यस्तै संक्रमणबाट बाँकेका मात्रै ३ सय ३३ जनाको मृत्यु भइसकेको छ ।

प्रकाशित मिति: शुक्रबार, असोज ८, २०७८ १०:०२

प्रतिक्रिया दिनुहोस्