कोभिड महामारी रोकथाम, नियन्त्रणमा भुमिका निभाउनेलाई सम्मान

स्वास्थ्य

Home
स्वास्थ्य
कोभिड महामारी रोकथाम, नियन्त्रणमा भुमिका निभाउनेलाई सम्मान

कोभिड महामारी रोकथाम, नियन्त्रणमा भुमिका निभाउनेलाई सम्मान

दूरसञ्‍चार सोमबार, पुस १८, २०७९

नेपालगन्ज : कोभिड महामारी रोकथाम, नियन्त्रण र खोप तथा सूचना व्यवस्थापनमा उल्लेख्य भूमिका निभाएका बाँकेका स्वास्थ्यकर्मीसहित चार जनालाई सम्मान गरिएको छ । जिल्ला विपद् व्यवस्थापन समिति बाँकेले उनीहरूलाई सम्मान गरेको हो । जिल्ला विपद ब्यवस्थापन समितिका संयोजक समेत रहेका प्रमुख जिल्ला अधिकारी सूर्यबहादुर खत्रीले सम्मान गरे ।
सम्मानित हुनेमा जिल्ला प्रशासन कार्यालय बाँकेका प्रशासकीय अधिकृत रामकुमार सोनकर, स्वास्थ्य कार्यालय बाँकेका खोप फोकल पर्सन नरेशबाबु श्रेष्ठ, विपद व्यवस्थापन समितिका सूचना अधिकारी रुपन ज्ञवाली र नेपालगन्ज उपमहानगरपालिकामा कार्यरत डिसिएमसीका फोकल पर्सन तेजबहादुर ओली रहेका छन ।
पहिलो र दोस्रो चरणको कोभिड महामारीका बेला श्रेष्ठले डिसिएमसीको फोकल पर्सनको रुपमा काम गरेका थिए । यस्तै ओलीले गत वर्षदेखि डिसिएमसीको फोकल पर्सनको रुपमा काम गर्दै आएका छन् । ज्ञवालीले कोभिड महामारी तथा अन्य विपदका बेला सूचना व्यवस्थापन गरेका थिए । सोनकरले आइसोलेसन व्यवस्थापनमा उल्लेख्य भूमिका निर्वाह गरेका थिए ।

प्रकाशित मिति: सोमबार, पुस १८, २०७९ २२:१६

प्रतिक्रिया दिनुहोस्