चिकित्सक र स्वास्थ्यकर्मीको आन्दोलनले बिरामीलाई सास्ती

स्वास्थ्य

Home
स्वास्थ्य
चिकित्सक र स्वास्थ्यकर्मीको आन्दोलनले बिरामीलाई सास्ती

चिकित्सक र स्वास्थ्यकर्मीको आन्दोलनले बिरामीलाई सास्ती भिडभाड देखिने अस्पतालका ओपिडी कक्ष सुनसान

नेपालगन्ज : बाँके लगायत देशभरका चिकित्सक तथा स्वास्थ्यकर्मीले विगत चार दिनदेखि आन्दोलन गर्दा बिरामीले सास्ती पाएका छन् । नेपालगन्ज र कोहलपुरमा रहेका अधिकांश अस्पतालले आपकालिन बाहेकका सेवा ठप्प पार्दा बिरामीले सास्ती पाएका हुन् ।

आन्दोलनका कारण राम्रोसँग उपचार नपाएको उनीहरुको गुनासो छ । चिकित्सकहरुले आकस्मिक सेवा मात्रै सञ्चालन गरेका छन् । सधै भिडभाड देखिने अस्पतालका ओपिडी कक्षहरु अचेल सुनसान देखिन्छन् ।

नेपालगन्जस्थित भेरी अस्पताल, नेपालगन्ज मेडिकल कलेज शिक्षण अस्पताल नेपालगन्ज र कोहलपुर, वेष्टर्न अस्पताल, एचसीआरसी अस्पताल लगायत ठुला साना अस्पतालले आपतकालिन बाहेकका सेवा बन्द गरेका हुन् ।

यस्तै आन्दोलनका कारण पोलिक्लिनिक तथा क्लिनिकहरु खुलेका छैनन् । नेपाल चिकित्सक संघ भेरी शाखाको अगुवाईमा आन्दोलन गरेका चिकित्सक तथा स्वास्थ्यकर्मीले आफुहरुलाई पूर्ण सुरक्षाको प्रत्याभुती हुनुपर्ने सरकारसँग माग गरेका छन् ।

नेपाल चिकित्सक संघ भेरी शाखाका अध्यक्ष डा. बिनोद थापाले चिकित्सक तथा स्वास्थ्यकर्मीमाथी पटक पटक हातपात हुन थालेपछि आन्दोलनमा उत्रिनु परेको बताएका छन् ।

प्रकाशित मिति: शनिबार, असोज १३, २०८० ११:५३

प्रतिक्रिया दिनुहोस्