बाँके(बैजापुर) : ‘१६ औं राष्ट्रपति रनिङ शिल्ड छनोट प्रतियोगिता तथा छैठौं राप्ती सोनारी गाउँपालिका स्तरीय अध्यक्ष कप रनिङ शिल्ड खेलकुद प्रतियोगिता-२०८०’ को दोस्रो दिन शुक्रबार विभिन्न खेल सम्पन्न भएका छन् । प्रतियोगितामा शुक्रबार सरस्वती मावि भवानियापुरले बर्चश्व कायम गरेको छ ।
छात्रा लङजम्प, छात्रा एक सय मिटर दौड, छात्रा ४ सय मिटर दौड र छात्रातर्फ 'ज्याब्लिङ थ्रो' मा सरस्वती माध्यामिमक बिद्यालय भवानियापुर पहिलो भएको हो ।
लङजम्प छात्रातर्फ सरस्वती मावि भवनियापुरकी छात्रा सम्झना थारु प्रथम, नेरा मावि अगैयाकी छात्रा अनिशा थारु द्वितिय र सिद्धेश्वर मावि सिधनवाकी छात्रा राम कुमारी थारु तृर्तिय भएका छन् । यसैगरी लङजम्प छात्रतर्फ अमरज्यौती मावि नन्कौपुरका रमेश थारु प्रथम, जनशक्ती मावि बैजापुरका आशिष थारु द्वितिय र सिद्धेश्वर मावि सिधनवाका जेनिश थारु तृतिय भएका छन् ।
ज्याब्लिङ थ्रोमा छात्रतर्फ शिव शक्ति मावि पेरानीका बिराज बि.क. प्रथम र लक्ष्मी मावि मदुईका बालकृष्ण थारु द्वितिय भएका छन् । ज्याब्लिङ थ्रो मा छात्रातर्फ सरस्वती मावि भवनियापुरकी सुष्मा चौधरी प्रथम, जनशक्ति मावि बैजापुरकी निशा थारु द्वितिय र नेरा मावि अगैयाकी हिमानी सुनार तृतिय भएका छन् ।
यसैगरी एक सय मिटर डौड छात्रतर्फ शिवशक्ति मावि पेरानीका कपिल बिष्ट प्रथम, सिद्धेश्वर मावि सिद्धन्वाका दिनेश थारु द्वितिय र नेरा मावि अगैयाका सुनिल परियार तृतिय भएका छन् । एक सय मिटर छात्रातर्फ सरस्वती मावि भवानियापुरकी सम्झना थारु प्रथम, सिद्धेश्वर मावि सिधनवाकी राम कुमारी थारु द्वितिय र गणेश मावि ढकेरीकी सबिता थारु तृतिय भएका छन् ।
त्यस्तै ४ सय मिटर दौड छात्रातर्फ सरस्वती मावि भवानियापुरकी अनिशा थारु प्रथम, सिद्धेश्वर मावि सिधनवाकी राम कुमारी थारु द्वितिय र नेरा मावि अगैयाकी दिया सुनार तृतिय भएकी छन् । त्यसैगरी ४ सय मिटर दौड छात्र दौडतर्फ भूवर भवानी मावि बिनौनाका बिनोद थारु प्रथम, नेरा मावि अगैयाका बिमल चौधरी द्वितिय र लक्ष्मी मावि मदुईका रामबहादुर बि.क. तृतिय भएका छन् ।
प्रतियोगिता अन्तरगत भलिबल, कबड्डीका फाईनल खेल शनिबार (भोली) हुने प्रतियोगिता सञ्चालन सचिवालयका सदस्य (शिक्षक) लेखराज ओलीले जानकारी दिए । उनका अनुसार ३ सय मिटर छात्र/छात्रा दौड, २ सय मिटर छात्र/छात्रा दौड, छात्र/छात्रा हाईजम्प, छात्र/छात्रा त्रिपलजम्प, छात्र/छात्रा ८ सय मिटर दौड, ४ गुणा छात्र/छात्रा एक सय मिटर रिले दौड र ४ गुणा ४ सय मिटर रिले दौड पनि शनिबार नै हुने भएको छ ।
राप्ती सोनारी गाउँपालिकाको आयोजना, जनशक्ति माध्यमिक विद्यालय बैजापुरको सञ्चालन तथा ब्यवस्थापनमा उक्त प्रतियोगिता सुरु भएको हो । जनशक्ति माध्यमिक विद्यालय बैजापुरको खेल मैदानमा उक्त प्रतियोगिताको बिहीबार प्रमुख अतिथि एवम राप्ती सोनारी गाउँपालिका अध्यक्ष तप्तबहादुर पौडेलले औपचारिक रुपमा उद्घाटन गरेका थिए ।
यो पनि पढ्नुस् :
यसरी सुरु भयो राप्ती सोनारी गाउँपालिका स्तरीय 'अध्यक्ष कप' रनिङ शिल्ड -(फोटो फिचर)
