मृतकका परिवारसँग क्षतिपुर्तिमा सहमति भएन, हुलाकी राजमार्ग अवरुद्द

समाज

Home
समाज
मृतकका परिवारसँग क्षतिपुर्तिमा सहमति भएन, हुलाकी राजमार्ग अवरुद्द

मृतकका परिवारसँग क्षतिपुर्तिमा सहमति भएन, हुलाकी राजमार्ग अवरुद्द

बाँके(फत्तेपुर) : सडक दुर्घटनामा ज्यान गुमाएका ब्यक्तीका परिवारलाई क्षतिपुर्ति दिने विषयमा सहमति नहुँदा बिहीबार हुलाकी राजमार्ग अवरुद्द गरिएको छ । नेपालगन्ज-नरैनापुर-बैजापुर जोड्ने हुलाकी राजमार्ग अन्तरगत कुण्डा चोकमा मृतकका परिवार तथा स्थानीय बासिन्दाले सडक अवरुद्ध गरेका हुन ।

जिल्ला प्रहरी कार्यालय बाँकेका निमित्त सूचना अधिकारी, प्रहरी निरीक्षक हिमराज बि.क.ले हुलाकी राजमार्गमा मृतकका परिवार र स्थानीय बासिन्दाहरु आएर बिहीबार बिहान साढे १० बजे देखि अबरुद्ध गरेको जानकारी दिए । 'उहाँहरुको मागका विषयमा बार्ता पनि चलिरहेको छ, माग पूरा नहुँदा सम्म सडक अवरुद्ध गर्छौ भनेर उहाँहरु अहिले पनि आन्दोलनमै हुनुहुन्छ,' उनलेे भने ।

राप्ती सोनारी गाउँपालिका वडा नम्बर ७ फत्तेपुर सर्रामा मंगलबार बेलुका साढे ६ बजेतिर नरैनापुरबाट नेपालगन्ज आउँदै गरेको भे १ ख ३७७४ नम्बरको बसले विपरीत दिशातिर गइरहेको भे ६ प ८८३६ नम्बरको मोटरसाइकल ठक्कर दिएको थियो ।

ठक्करबाट घाइते भएका मोटरसाइकल चालक राप्ती सोनारी-७ फत्तेपुर, सर्रा निवासी २७ वर्षीय दिलबहादुर थारु र मोटरसाइकलमा सवार सोही ठाउँ निवासी २३ बर्षीय राजेश थारुको मृत्यु भएको थियो ।

स्थानीय बासिन्दाले सडकमा टायर बालेर नाराबाजी गरेका छन । स्थानीय बासिन्दाको आन्दोलनका कारण हुलाकी राजमार्ग भएर चल्ने सवारी साधन ठप्प भएका छन । क्षतिपुर्तिमा कुरा नमिल्दा परिवारले मृतकको शव बुझेका छैनन् ।

प्रकाशित मिति: बिहीबार, माघ ३, २०८१ १३:०६

प्रतिक्रिया दिनुहोस्