नयाँ पार्टी खोल्दै हृदयेश त्रिपाठी

राजनीति

Home
राजनीति
नयाँ पार्टी खोल्दै हृदयेश त्रिपाठी

नयाँ पार्टी खोल्दै हृदयेश त्रिपाठी

काठमाडौं, भदौं ११ : पुर्वमन्त्री हृदयेश त्रिपाठीको समूहले तत्कालै नयाँ पार्टी खोल्ने भएको छ । केपी ओली नेतृत्व सरकारमा संघीय मामिला तथा स्वास्थ्यमन्त्री भएका उनले तत्कालै पार्टी खोल्ने तयारी गरेका हुन् ।

भदौं महिनासम्म नयाँ पार्टी घोषणा गर्ने उक्त समूहको नेतृत्व गरेका त्रिपाठीले बताएका छन् । उनले भने, ‘भदौ महिनाभित्रै हामी नयाँ पार्टी खोल्छौं, नयाँ पार्टी खोल्ने निश्चित भएको छ ।’ त्रिपाठी समूहले पार्टीको सम्भावित पाँचवटा नाम पनि जुराएको छ । तर, त्रिपाठीले नामबारे खुलासा गर्न चाहेका छैनन् । स्रोतका अनुसार त्रिपाठीले खोल्ने पार्टीको नाममा समाजवादी शब्द नछुटाइने भएको छ ।

त्रिपाठी र त्रिपाठीको समूहले अहिले आफूलाई स्वतन्त्र राजनीतिक समूह भन्ने गरेको छ । यो समूहमा दुई जना प्रतिनिधिसभा सांसद तथा दुई जना प्रदेशसभा सांसद छन् । प्रतिनिधिसभा सांसदमा त्रिपाठी र बिजे्रश गुप्ता छन् भने प्रदेशसभा सांसदमा अजय शाही र धर्मबहादुर लाल श्रीवास्तव रहेका छन् ।

यसैगरी यो समूहमा पशुपति दयाल मिश्र, ईश्वरदयाल मिश्रलगायतका नेताहरू पनि रहेका छन् । यस समूहका नेताहरू २०७४ सालको प्रतिनिधिसभा तथा प्रदेशसभामा एमालेको सूर्य चुनाव चिह्नबाट चुनाव लडेका थिए । मिश्र पनि सुर्य चिन्ह लिएर बाँके क्षेत्र नम्बर २ बाट चुनाव लडेका थिए ।

प्रकाशित मिति: शुक्रबार, भदौ ११, २०७८ १४:०१

प्रतिक्रिया दिनुहोस्