भारतमा पक्राउ परेका दुर्गा प्रसाईंलाई आज काठमाडौं पुर्याइँदै

राजनीति

Home
राजनीति
भारतमा पक्राउ परेका दुर्गा प्रसाईंलाई आज काठमाडौं पुर्याइँदै

भारतमा पक्राउ परेका दुर्गा प्रसाईंलाई आज काठमाडौं पुर्याइँदै

फाईल तस्बिर ।

काठमाडौं : पक्राउ परेका दुर्गा प्रसाईंलाई भारतीय प्रहरीको सहयोगमा आसामबाट नेपाल ल्याइँदैछ । काठमाडौंको तीनकुनेमा भएको प्रदर्शनका क्रममा प्रदर्शन स्थलबाट फरार रहँदै आएका उनलाई भारतीय प्रहरीको सहयोगमा पक्राउ गरिएको थियो ।

कानुनविद्, मानवाधिकारकर्मी तथा कूटनीतिक नियोगका प्रतिनिधिको रोहबरमा भारतीय प्रहरीको सहयोगमा नेपाल प्रहरीको जिम्मा लगाएर झापाको भद्रपुर बिमानस्थलबाट शुक्रबार दिउँसो काठमाडौं ल्याउन लागिएको हो । गत चैत १५ गते काठमाडौंको तीनकुनेमा प्रसाईंको नेतृत्वमा भएको प्रदर्शनले हिंसात्मक रूप लिएपछि दुई जनाको ज्यान गएको थियो ।

त्यसक्रममा व्यापक तोडफोड, आगजनी र लुटपाट भएको थियो । सुरक्षाकर्मीहरूलाई गाडी लिएर किच्न खोजेका प्रसाईं त्यही दिन फरार भएका थिए । फरार रहेकै अवस्थामा प्रसाईंले बुधबार मात्रै आफ्नो जीवनरक्षाको सुनिश्चित भए प्रहरीसमक्ष उपस्थित हुने बताएका थिए ।

सामाजिक सञ्जाल फेसबुकमा लाइभ गर्दै प्रसाईंले आफ्नो जीवनको रक्षाको सुनिश्चितता भए २४ घण्टाभित्र प्रहरीसमक्ष उपस्थित हुने जनाएका थिए । प्रहरीले उनीविरुद्ध कुन कुन अभियोगमा मुद्दा चलाउँछ भन्ने बारे अझै खुलेको छैन ।

प्रकाशित मिति: शुक्रबार, चैत २९, २०८१ ११:५७

प्रतिक्रिया दिनुहोस्