पूर्वमन्त्री रञ्जिता श्रेष्ठ जोडिईन घुस प्रकरणमा

राजनीति

Home
राजनीति
पूर्वमन्त्री रञ्जिता श्रेष्ठ जोडिईन घुस प्रकरणमा

पूर्वमन्त्री रञ्जिता श्रेष्ठ जोडिईन घुस प्रकरणमा

काठमाडौं : पूर्वमन्त्री एवम नागरिक उन्मुक्ती पार्टीका अध्यक्ष रञ्जिता श्रेष्ठ पनि घुस प्रकरणमा संलग्न भएको तथ्य बाहिर आएको छ । निवर्तमान सामान्य प्रशासनमन्त्री राजकुमार गुप्ता संलग्न भएको घुस अडियो प्रकरणमा पूर्वमन्त्री श्रेष्ठले पैसा मागेको प्रमाण फेला परेको हो । राजीनामा दिएका मन्त्रीले रकम लिएका व्यक्तिसँग उनले पैसा मागेको म्यासेन्जमा देखिन्छ ।

अडियो रेकर्ड गर्ने पोखराका व्यक्तिसँग पूर्वमन्त्री श्रेष्ठले पटक–पटक सम्पर्क गरेको र पैसा समेत मागेको खुलेको छ । उनले मन्त्रिपरिषद् बैठकको सूचना आदान–प्रदानदेखि आफ्नो निजी सुरक्षा अधिकृत (पीएसओ) प्रयोग गरेर समेत पैसा मागेको खुलेको हो । पूर्वमन्त्री श्रेष्ठले ९८५१२८८८५४ नम्बरको फोनबाट पोखराका ती व्यक्तिसँग बारम्बार सम्पर्क गरेको र रकम समेत मागेको प्रमाण फेला परेको छ । तर पूर्वमन्त्री श्रेष्ठले आफूमाथि लागेको उक्त आरोपको प्रतिवाद गरेकी छन् । ‘मैले त्यसरी कसैसँग पनि पैसा मागेको छैन,’ उनले भनिन् ।

प्रकाशित मिति: मंगलबार, साउन ६, २०८२ २२:१६

प्रतिक्रिया दिनुहोस्