तरुण दलको पाँचौं महाधिवेशनको बाँकेमा तयारी

राजनीति

Home
राजनीति
तरुण दलको पाँचौं महाधिवेशनको बाँकेमा तयारी

तरुण दलको पाँचौं महाधिवेशनको बाँकेमा तयारी

नेपालगन्ज : नेपाल तरुण दलको पाँचौं महाधिवेशनलाई लक्षित गर्दै बाँकेमा तयारी थालिएको छ । तरुण दलको कार्यतालिका अनुसार २०८२ साल भदौं १५ गतेसम्म वडा र पालिकास्तरीय अधिवेशन सम्पन्न गर्नुपर्नेछ ।

त्यसपछि मसान्तभित्र जिल्ला अधिवेशन, असोज मसान्तभित्र प्रदेश अधिवेशन र मंसिर २६, २७ र २८ गते राजधानी काठमाडौंमा महाधिवेशन सम्पन्न गरिनेछ । महाधिवेशन तयारीलाई व्यवस्थित बनाउन केन्द्रीय कार्यालयले पूर्ण सदस्यता वितरण, सदस्यता अनुमोदन, प्रतिनिधि छनोट लगायतका विषयलाई प्राथमिकता दिँदै समयसीमा तोकेको छ । सबै जिल्ला कार्यसमितिहरूलाई तोकिएको समयभित्र कार्य पूरा गर्न निर्देशन दिइएको छ । महाधिवेशनको तयारी स्वरुप बाँकेमा बैठक गरिएको छ ।

बैठकले सदस्यता वितरणलाई तीव्रता दिने, वडा स्तरमा अधिवेशन सम्पन्न गर्न समन्वय गर्ने र नयाँ कार्यकर्ताहरूलाई संगठनमा आकर्षित गर्ने विषयमा बैठकमा विस्तृत छलफल भएको छ । बैठकमा सहभागी नेता, कार्यकर्ताले संगठनलाई सुदृढ र प्रभावकारी बनाउन सुझाव दिएका छन् ।

प्रकाशित मिति: शुक्रबार, भदौ ६, २०८२ २३:३९

प्रतिक्रिया दिनुहोस्