मुलुक बनाउने संकल्पका साथ एक भएको नेपाली कम्युनिष्ट पार्टीका शिर्ष नेताको जोड

राजनीति

Home
राजनीति
मुलुक बनाउने संकल्पका साथ एक भएको नेपाली कम्युनिष्ट पार्टीका शिर्ष नेताको जोड

मुलुक बनाउने संकल्पका साथ एक भएको नेपाली कम्युनिष्ट पार्टीका शिर्ष नेताको जोड

दाङ : नेपाली कम्युनिष्ट पार्टीका शीर्ष नेताहरुले आफूहरु मुलुक बनाउने संकल्पका साथ एक भएको बताएका छन्। लमहीमा शनिबार भएको एकता सन्देश सभामा सहभागी शीर्ष नेताहरुले आम नागरिकलाई हित गर्ने संकल्पका साथ यो पार्टीको जन्म भएको बताए।

पार्टीका संयोजक पुष्पकमल दाहालले देश बनाउने नयाँ संकल्पका साथ बृहत एकता मार्फत नेपाली कम्युनिष्ट पार्टी निर्माण भएको सुनाए। राष्ट्रका लागि जस्तो सुकै बलिदान दिन तयार हुने संकल्पका साथ विभिन्न बाम दलहरु एक भएको दाहालको भनाइ थियो। शनिबार लमहीमा आयोजित सभालाई सम्बोधन गर्दै दाहालले आफूहरु प्रति नयाँ आशा र भरोसा जागृत भएको समेत बताए।

'हामी नयाँ संकल्पका साथ आएका छौँ, जस्तो सुकै बलिदान दिनका लागि तयार भएर हामीहरु एक भएका छौँ,’ दाहालले भने ‘हाम्रो यो नयाँ यात्रा प्रति सबैको आशा र भरोसा जागृत भएको छ।’ दाहालले आफूहरु अब सच्चिएर अगाडी बढ्ने भन्दै आफूहरुलाई सच्चिने मौका दिन समेत आग्रह गरे।

आफूहरुले अब विगतमा जस्तो कमजोरी दोहोरिन नदिने भन्दै दाहालले आम नागरिकको भावनलाई सम्मान गर्दै सबैसंगको सम्बन्ध बलियो बनाउने बताए। ‘हामी सच्चिन्छौँ, हामीहरुलाई सच्चिने मौका दिनुस्,’ दाहालले भने ‘विगतमा जस्तो कमजोरी अब हामीबाट हुने छैन।’ चुनावमा सीट जित्दैमा नागगरिकको अपेक्षा पुरा हुन नसक्ने दृष्टान्त पछिल्लो घटनाक्रमले पुष्टि गरिसकेको भन्दै चुनावको परिणामको मात्रै आफूहरु पछि नलाग्ने बताए।

आम नागरिकको अपेक्षा पुरा गर्न प्रतिकृयावादीहरुसंगको लडाई अनिवार्य रहेको भन्दै आफूहरुको एकता त्यो लडाईका निम्ती भएको बताए। दुई तिहाइको बलमा सरकारको नेतृत्व गरेका केपी ओली भागाभाग हुनु परेको भन्दै दाहालले उल्टो त्यसको आरोप ओलीले आफू माथि लगाइरहेको समेत बताए।

प्रकाशित मिति: शनिबार, मंसिर १३, २०८२ २१:४६

प्रतिक्रिया दिनुहोस्