कांग्रेसको १५औं महाधिवेशन पुस अन्तिममा गर्ने संस्थापन पक्षको तयारी

राजनीति

Home
राजनीति
कांग्रेसको १५औं महाधिवेशन पुस अन्तिममा गर्ने संस्थापन पक्षको तयारी

कांग्रेसको १५औं महाधिवेशन पुस अन्तिममा गर्ने संस्थापन पक्षको तयारी

काठमाडौं : नेपाली कांग्रेसको १५औं महाधिवेशन पुसको अन्तिम साता गर्ने गरी कार्यतालिका ल्याउने संस्थापन पक्षले तयारी गरेको छ । पुसको २७ गतेबाट नियमित महाधिवेशन सुरु हुने गरी सोमबारको केन्द्रीय समितिको बैठकमा प्रस्ताव आउने संस्थापन पक्षले जनाएको छ ।

विशेष महाधिवेशन माग भएको अवधिभत्रै (९० दिन) नियमित महाधिवेशन हुने गरी प्रस्ताव अघि सार्न लागिएको छ । चुनावअघि नियमित महाधिवेशनको कार्यतालिकाको पक्षमा रहेका सभापति शेरबहादुर देउवा निकट नेता रमेश लेखकले पुसको अन्तिम सातादेखि १५ औं महाधिवेशनको मिति सहितको प्रस्ताव केन्द्रीय समितिमा सोमबार पेश हुने जानकारी गराए ।

‘मैले त डेढ महिना अघिदेखि यही कुरा भन्दै आएको थिएँ । यो कुरा मैले भन्दा समूहमा करिब-करिब एक्लै थिएँ । अहिले त्यहि कुरा सभापतिजीले भन्दिनुभयो । अब सहमतिमा जान्छ’ उनले भने । नेता लेखकका अनुसार पुस २७ गतेबाट केन्द्रीय महाधिवेशन गर्ने गरी कार्यतालिका ल्याउन लागिएको छ ।

प्रकाशित मिति: आइतबार, मंसिर १४, २०८२ २३:००

प्रतिक्रिया दिनुहोस्