'सरकारले वातावरण बनाओस्, निर्वाचनमा गएर बहुमत ल्याउँछौँ' : ओली

राजनीति

Home
राजनीति
'सरकारले वातावरण बनाओस्, निर्वाचनमा गएर बहुमत ल्याउँछौँ' : ओली

'सरकारले वातावरण बनाओस्, निर्वाचनमा गएर बहुमत ल्याउँछौँ' : ओली

काठमाडौँ : नेकपा एमालेका अध्यक्ष केपी शर्मा ओलीले सरकारले वातावरण बनाए चुनावमा जान आफू नेतृत्वको पार्टी तयार रहेको बताएका छन् । स्वतन्त्र, धाँधलीरहीत चुनाव होस् भन्ने चाहना एमालेको भएको उनको भनाइ छ ।

हालै सम्पन्न ११ औँ राष्ट्रिय महाधिवेशनमा खटिएका स्वयंसेवकहरुलाई सम्मान र प्रमाणपत्र वितरण गन बिहीबार आयोजित कार्यक्रमलाई सम्बोधन गर्दै पूर्वप्रधानमन्त्री ओलीले आफूहरु चुनावविरोधी नरहे पनि मुलुकमा त्रास र असुरक्षाका बीच निर्वाचनको वातावरण नहुने बताए ।

‘निर्वाचनको परिस्थित सरकारले बनाउँछ भने हामी निर्वाचनमा सहभागी हुन्छौँ, हामी चुनावमा जान्छौँ बहुमत ल्याउछौँ,’ उनले भने, ‘स्वतन्त्र, धाँधलीरहीत चुनाव होस्, हामी त्यही समयको पर्खाइमा छौँ, हामी जस्तो पनि परिस्थितिका लागि तयार छौँ ।’ ओलीले राष्ट्रपति रामचन्द्र पौडेलसँग पूर्वप्रधानमन्त्री र वर्तमान प्रधानमन्त्रीको संयुक्त बैठकमा भएको विषयमा पनि उल्लेख गरे ।

प्रकाशित मिति: बिहीबार, पुस १०, २०८२ १५:२२

प्रतिक्रिया दिनुहोस्