माओवादी केन्द्रको महाधिवेशनमा आज बन्दशत्र

राजनीति

Home
राजनीति
माओवादी केन्द्रको महाधिवेशनमा आज बन्दशत्र

माओवादी केन्द्रको महाधिवेशनमा आज बन्दशत्र

काठमाडौं : नेकपा माओवादी केन्द्रको आठौं महाधिवेशनमा सोमबार (आज) बन्दसत्र सुरु हुदैछ । काठमाडौंको कमलादीस्थित प्रज्ञा भवनमा बिहान ११ बजेबाट सुरु गर्ने तयारी भएको हो । बन्दसत्रमा अध्यक्ष पुष्पकमल दाहाल ‘प्रचण्ड’ को राजनीतिक प्रतिवेदन, विधानलगायतका अन्य प्रतिवेदन पेश हुने भएका छन् ।

अध्यक्ष प्रचण्डको राजनीतिक प्रतिवेदनमा सामूहिक रुपमा छलफल हुने जनाइएको छ । प्रतिवेदनमा अध्यक्ष प्रचण्डले आत्मसमीक्षा गरेको उद्घाटन सत्रमा बनाएका थिए । माओवादीलाई नयाँ जोस र जागरका साथ अघि बढाउन सबैले आत्मसमीक्षा गर्नुपर्ने उनको भनाइ थियो ।

शनिबार प्रज्ञा भवनमै उद्घाटन समारोह सम्पन्न भएको छ । उद्घाटन समारोहमा सबै दलका प्रमुख तथा प्रतिनिधि सहभागी थिए । माओवादीको महाधिवेशनमा एक हजार ६३१ जना प्रतिनिधि तथा पर्यवेक्षक सहभागी हुने जनाइएको छ ।

विभिन्न क्लस्टरबाट प्रतिनिधि सहभागी हुने व्यवस्था गरिएको छ । महाधिवेशनबाट माओवादीले नेतृत्व चयन गर्नेछ । शनिबार बिहान बसेको माओवादी केन्द्रीय समितिले बैठकले पदाधिकारी संख्या बढाएर १५ बनाएको छ ।

माओवादीको केन्द्रीय समिति २९९ सदस्यीय हुनेछ । शनिबार सुरु भएको राष्ट्रिय महाधिवेशन तीन दिनसम्म चल्नेछ । अध्यक्ष बाहेका पदमा धेरै आकांक्षी देखिएका छन् ।

प्रकाशित मिति: सोमबार, पुस १२, २०७८ १०:०६

प्रतिक्रिया दिनुहोस्