नेपालगन्जका ३९ हजारबढी बालबालिकालाई टाईफाईड विरुद्धको खोप दिइने

स्वास्थ्य

Home
स्वास्थ्य
नेपालगन्जका ३९ हजारबढी बालबालिकालाई टाईफाईड विरुद्धको खोप दिइने

नेपालगन्जका ३९ हजारबढी बालबालिकालाई टाईफाईड विरुद्धको खोप दिइने

नेपालगन्ज : टाईफाईड रोग विरुद्धको खोप अभियानमा नेपालगन्ज उपमहानगरपालिका क्षेत्रका ३९ हजार २ सय २६ जना बालबालिकालाई खोप दिइने भएको छ । नेपालगन्ज उपमहानगरपालिका स्वास्थ्य शाखाले सोमबार नेपालगन्जमा गरेको पत्रकारसँगको अभिमुखिकरण यस्तो जानकारी दिइएको हो ।

बाँकेसहित देशभर एकैसाथ सञ्चालन हुन लागेको खोप अभियान अन्तरगत नेपालगन्ज उपमहानगरपालिकाले पनि आफ्नो तयारी गरिरहेको जनाएको छ । स्वास्थ्य शाखामा कार्यरत तेज ओलीका अनुसार खोप अभियान सञ्चालनका लागि उपमहानगरपालिका क्षेत्रमा मात्रै ५५ वटा खोप केन्द्र राखिएको छ । यसका लागि प्रत्येक वडाका बिद्यालय र स्वास्थ्य संस्था सँग स्वास्थ्य शाखाले समन्वय गरेको ओलीले बताए ।

उपमहानगरपालिकामा पनि चैत २३ गतेदेखी २८ गतेसम्म अभियान सञ्चालन गरिनेछ । उक्त खोप १५ महिनादेखी १५ वर्षसम्मका बालबालिकालाई दिइने ओलीले जानकारी दिए ।

स्वास्थ्यकर्मीका अनुसार कोभिड, हेपाटाइटिस लगायत अन्य खोप लगाएको १४ दिनपछि मात्र टाईफाईड रोग विरुद्धको खोप लगाउन सकिन्छ । तर, ज्वरो आएको र टाईफाईडको लक्षण देखिएको समयमा यो खोप लगाउन नमिल्ने स्वास्थ्यकर्मी बताउँछन् ।

पत्रकार अभिमुखिकरणमा बोल्दै नेपाल पत्रकार महासंघ लुम्बिनी प्रदेशका उपाध्यक्ष शुक्रऋषि चौलागाईले खोप अभियानलाई सफल बनाउन पत्रकारले आफ्नो तर्फबाट कलम चलाउने बताए ।

यो पनि पढ्नुस् :

टाईफाईड रोग विरुद्ध खोप अभियान सञ्चालन गर्ने तयारी

प्रकाशित मिति: सोमबार, चैत २१, २०७८ १८:३४

प्रतिक्रिया दिनुहोस्