रोहिणी खोला दुर्घटनाका मृतक आठ जनाको सनाखत

समाज

Home
समाज
रोहिणी खोला दुर्घटनाका मृतक आठ जनाको सनाखत

रोहिणी खोला दुर्घटनाका मृतक आठ जनाको सनाखत

बुटवल : रुपन्देहीको रोहिणी खोलामा भएको बस दुर्घटनामा ज्यान गुमाएका नौमध्ये आठ जनाको पहिचान खुलेको छ । जिल्ला प्रहरी कार्यालयका अनुसार दुर्घटनामा तिलोत्तमा नगरपालिका २ योगीकुटीका विष्णु पौडेल, रौतहट चन्द्रनिगाहापुरका दिनेश दास, बुटवल उपमहानगरपालिका ११ का कृष्णप्रसाद बस्याल, रुपन्देहीको ओमसतियाका राजेन्द्र पाण्डे र तिलोत्तमा ८ की तुलसी बस्यालको मृत्यु भएको हो ।

त्यस्तै, दुर्घटनामा दुई जना भारतीय नागरिकको मृत्यु भएको छ । उनीहरु अरविन्द शर्मा, नागेन्द्र शर्मा र सञ्जय गुप्ताको रहेका छन । दुर्घटनामा नौ जनाको मृत्यु भएको थियो । अझै पनि एक जनाको पहिचान खुल्न नसकेको जिल्ला प्रहरी कार्यालय रुपन्देहीले जनाएको छ ।

जनकपुरबाट भैरहवा आउँदै गरेको लु २ ख ३८४१ नम्बरको बस आइतबार बिहान रोहिणी खोलामा दुर्घटना भएको थियो । दुर्घटनामा २४ जना घाइते भएका छन । उनीहरुको युनिभर्सल मेडिकल कलेज र भीम अस्पतालमा उपचार भइरहेको छ ।

प्रकाशित मिति: सोमबार, जेठ २३, २०७९ ११:०९

प्रतिक्रिया दिनुहोस्