निक्षेप र कर्जाको व्याजदर बढाउन बैंकबीच होडबाजी

अर्थ

Home
अर्थ
निक्षेप र कर्जाको व्याजदर बढाउन बैंकबीच होडबाजी

निक्षेप र कर्जाको व्याजदर बढाउन बैंकबीच होडबाजी

काठमाडौं : बैंक तथा वित्तीय संस्थाले निक्षेप र कर्जाको व्याजदर धमाधम बढाएका छन् । तरलता अभाव शुरू भएसँगै असोज महिनाका लागि वाणिज्य बैंकहरूले साधारण बचत र मुद्दती खाता दुवैको व्याजदर बढाएका हुन् ।

अधिकांस बैंक तथा वित्तीय संस्थाले मुद्दती खातातर्फको व्याजदर बढाएर करिव १० प्रतिशत पुर्याएका छन । नेपाल राष्ट्र बैंकले मौद्रिक नीतिमार्फत रेमिटान्सबाट प्राप्त हुने रकमलाई बचतमा प्रोत्साहन गर्नका लागि थप अतिरिक्त १ प्रतिशत व्याजदर दिनुपर्ने व्यवस्था गरेको छ ।

उक्त १ प्रतिशत व्याजदरसहित बाणिज्य बैंकहरूले दोहोरो अंकमा मुद्दतीको व्याजदर कायम गरेका छन । स्टाण्डर्ड चार्टर्ड, नेपाल एसवीआई, हिमालयन बैंक लगायतका केही बैंकहरूले व्याजदरमा खासै ठूलो परिवर्तन गरेका छैनन् । यसबाहेक अन्य सबै बैंकहरूले व्याजदर बढाएका हुन् ।

भदौं महिनाको तुलनामा बाणिज्य बैंकहरूले औसत १.२ प्रतिशतसम्म व्याजदर बढाएका छन । व्याजदर बढाएकाले वाणिज्य बैंकहरूको कस्ट अफ फण्ड पनि बढ्ने भएकाले आधारदर पनि परिवर्तन हुने संभावना निकै उच्च देखिन्छ ।

प्रकाशित मिति: बिहीबार, भदौ ३१, २०७८ २१:२३

प्रतिक्रिया दिनुहोस्