नेपालगज : नेपालगन्ज उपमहानगरपालिकाको ११ औं नगर सभाले आर्थिक विधेयक-२०७९ र विनियोजन विधेयक-२०७९ सर्वसम्मत पारित गरेको छ । सभाले १० औं नगर सभादेखि ११ औं नगरसभाको बीचमा भएका निर्णय पनि अनुमोदन गरेको छ ।
यस्तै कर्मचारीको तलवी प्रतिवेदन तथा करार कर्मचारीको नविकरण गर्ने निर्णय पनि सभाले गरेको नगर प्रमुख प्रशान्त विष्टले जानकारी दिए । सभाले नगर उपप्रमुख कमरुद्धिन राईको संयोजकत्वमा ३ सदस्यीय न्यायिक समिति गठन गरेको छ ।
नगर सभामा उपमहानगरपालिकामा सेवा गरेर अवकांश प्राप्त गरेका तथा अवकाशको संघारमा रहेका कर्मचारीलाई सम्मान गरिएको छ । प्रमुख प्रशासकीय अधिकृत जगत बस्नेत उमेर हदका कारण साउन पहिलो साता अवकाश प्राप्त गर्ने भएकाले नगर सभामा सम्मान सहित विदाई गरिएको छ । नगर प्रमुख प्रशान्त विष्ट, उपप्रमुख कमरुद्धिन राईले प्रमुख प्रशासकीय अधिकृत बस्नेतको विदाई गरेका थिए ।
यसैगरी सशितकुमार कलवार, रामचरण यादव, रामकृष्ण चौधरी, गगनसिंह साउद, टेकबहादुर केसी, कृष्णवहादुर केसी, नरबहादुर कठायत, उषा राणा, शिवकुमार वृजपति, स्व. रामसुरेश यादव, कृष्णदेवी बाल्मिकी, भद्रबहादुर शाही, शोभा बाल्मिकी र फकिरे भंगीलाई पनि सम्मान गरिएको प्रशासन महाशाखा प्रमुख राजन केसीले जानकारी दिए ।
