बढ्दै कोरोना संक्रमण दर

स्वास्थ्य

Home
स्वास्थ्य
बढ्दै कोरोना संक्रमण दर

बढ्दै कोरोना संक्रमण दर

Corona Virus.jpg

काठमाडौं : नेपालमा कोरोना भाइरस संक्रमण दर बढ्दै गएको छ। स्वास्थ्य मन्त्रालयको पछिल्लो तथ्यांकले पछिल्लो २४ घण्टामा अर्थात् सोमबार परीक्षण गरिएकामध्ये १५.४ प्रतिशतमा संक्रमण देखिएको छ। गत २४ घण्टामा परीक्षण भएका ५ हजार ९ सय ९ वटा नमुनामध्ये ८ सय ९५ जनामा कोरोना पुष्टि भएको हो। आइतबार ६ सय २० जना संक्रमित भएका थिए।
नमुना परीक्षण संख्या भने औसतमा ५ हजारकै हाराहारीमा रहेको छ। आइतबार ५ हजार ८ सय ४६ वटा नमुना परीक्षण गरिएका थिए। संक्रमितको संख्या शनिबार ४ सय ३८ थियो भने शुक्रबार ५ सय ७७ पुगेको थियो। बिहीबार भने यो संख्या १ सयभन्दा बढी ७ सय १० जना संक्रमित छन् भने बुधबार ५ सय ६४ जनामा कोरोना पुष्टि भएको थियो। मंगलबार संक्रमित संख्या ६ सय ३८ र अघिल्लो सोमबार अर्थात एक साताअघि ५ सय ६८ जना छन्।
एक सातायताको संक्रमित संख्या हेर्दा गत शनिबार ५ सयभन्दा कम र अन्य दिन ५ सयदेखि ६ सय ५० भित्रको संख्यामा संक्रमित बढी भएको देखिन्छ। सातामा दुई दिन गत बिहीबार ७ सय १० जना गत २४ घण्टामा ९ सयको हाराहारीमा संक्रमित थपिएका हुन्। यो हिसाबले हेर्दा यो साताभित्र दैनिक रूपमा संक्रमितको दर वृद्धि हुँदै गएको छ।
दैनिक संक्रमित संख्यामा वृद्धि भए पनि अस्पताल भर्ना हुने कोरोना संक्रमित संख्यामा भने ठूलो अन्तर आउन सकेको छैन। गत सोमबार अस्पतालमा भर्ना हुनेको संख्या १ सय २७ देखि १ सय ५६ पुगेको छ। संक्रमितहरू अस्पताल भर्ना हुनेको संख्या भने खासै वृद्धि भएको छैन। यो साताभित्र १२ जनाको मृत्यु भएको छ। सोमबारसम्ममा देशभरिमा कुल सक्रिय संख्या ४ हजार ९ सय ३४ पुगेको छ। यो हिसाबले मंगलबारसम्ममा सक्रिय संक्रमित संख्या ५ हजारभन्दा बढी हुने सम्भावना देखिन्छ भने साताभरिमा ५ हजार १० जना संक्रमित भएका छन्।

प्रकाशित मिति: मंगलबार, साउन १७, २०७९ १०:१२

प्रतिक्रिया दिनुहोस्