नेपालगन्ज : नेपाल वन पैदावार उद्योग व्यवसायी संघ बाँकेका नवनिर्वाचित कार्यसमिति पदाधिकारीलाई सोमबार प्रमाणपत्र वितरण गरिएको छ । प्रमाणपत्र वितरणसँगै नवनिर्वाचित अध्यक्ष टेकबहादुर पुन, महासचिव बिक्रमसिंह सिजापति लगायत कार्यसमिति पदाधिकारीले पद सम्हालेका छन् ।
संघका निर्वतमान अध्यक्ष सुरेश चन्दले नवनिर्वाचित अध्यक्ष पुनलाई माईन्युट हस्तान्तरण गरेका थिए । संघको छैठौं जिल्ला अधिवेशनले नयाँ कार्यसमिति पदाधिकारी निर्विरोध निर्वाचित गरेको थियो । सो क्रममा निर्वाचन अधिकृत एवम् अधिवक्ता तिर्थराज ज्ञवालीले नवनिर्वाचित कार्यसमिति पदाधिकारीलाई प्रमाणपत्र वितरण गरेका थिए ।
सो क्रममा नेपाल वन पैदावार उद्योग व्यवसायी महासंघका पुर्वकेन्द्रिय अध्यक्ष एवम् सल्लाहकार कपिलप्रसाद अधिकारी, निर्वतमान अध्यक्ष चन्द, पुर्वअध्यक्ष रविन्द्र लम्साल, नवनिर्वाचित कार्यसमिति पदाधिकारी, सञ्चारकर्मी लगायतको उपस्थिती रहेको थियो ।
संघको अधिवेशनबाट अध्यक्षमा पुन, वरिष्ठ उपाध्यक्षमा दुर्ग बहादुर राना (राजु), प्रथम उपाध्यक्षमा नरेश केसी र द्धितिय उपाध्यक्षमा दिनेश श्रेष्ठ तथा महासचिवमा सिजापति उपमहासचिवमा जुगलाल थारु, कोषाध्यक्ष ओमप्रकाश शर्मा र सहकोषाध्यक्ष श्यामप्रसाद नेपाल, सदस्यमा कमारो केसी, खिमबहादुर थापा, दीपककुमार ढकाल, लियाकत अलि हल्वाई, रज्जुलाल तेली र राजु तामाङ निर्वाचित भएका थिए ।
यस्तै संघको पहिलो कार्यसमिति बैठकले यज्ञकुमारी बस्नेत, सिताकुमारी चौधरी र गणेश शर्मालाई मनोनित गरिएको थियो । पदभार ग्रहण गरिसकेपछि नवनिर्वाचित अध्यक्ष पुनले वन पैदवार उद्योगी ब्यवसायीका समस्या र चुनौतीलाई अन्त्य गर्न काम गर्ने प्रतिवद्धता ब्यक्त गरे ।
यो पनि पढ्नस् :
वन पैदवार उद्योग ब्यवसायी संघमा पुनको अध्यक्षतामा नयाँ नेतृत्व निर्वाचित
भिडियो हेर्नुस् :
