- पर्यटन सम्बन्धी कानुन निजी क्षेत्रको अनुकुल बनाउँछौं : मन्त्री चौधरी
नेपालगन्ज : लुम्बिनी प्रदेशमा दिगो पर्यटन विकासका सम्भावनाबारे नेपालगन्जमा छलफल भएको छ । पर्यटन विकास परिषद बुटवलको आयोजना तथा नाटा बाँके च्याप्टरको सह आयोजनामा यसक्षेत्रका सरोकारवालाबीच सोमबार छलफल गरिएको हो ।
उक्त कार्यक्रमलाई सम्बोधन गर्दै लुम्बिनी प्रदेशका पर्यटन ग्रामिण तथा शहरी विकास मन्त्री डिल्ली चौधरीले लुम्बिनी प्रदेशमा पर्यटनको सम्भावना धेरै रहेको बताए । लुम्बिनी प्रदेशको पर्यटन सम्बन्धी कानुनलाई निजी क्षेत्रको अनुकुल बनाइने उनले प्रतिवद्धता ब्यक्त गरे ।
‘ब्यवसायीलाई मर्का पर्ने कुनैपनि कानुन लुम्बिनी प्रदेशले नल्याउने उनको भनाई छ । प्रदेश सरकारले दाङ, बाँके र बर्दियालाई थारु सँस्कृती र पहाडी क्षेत्रका जिल्लामा मगरको सँस्कृतीसँग जोडेर पर्यटन प्रर्वद्धन गर्ने नीति लिएको बताए । यस्तै नेपाल पर्यटन बोर्डका सिईयो डा. धनन्जय रेग्मीले आफु पर्यटन क्षेत्रका लागि केही काम गर्नका लागि जिम्मेवारीमा आएको बताए । सो क्रममा बोल्ने सरोकारवालाले लुम्बिनी प्रदेश र बाँके जिल्लामा पर्यटनको प्रचुर सम्भावना रहेको बताए ।
नाटा बाँके च्याप्टर अध्यक्ष श्रीराम सिग्देलले स्वागत गरेको उक्त कार्यक्रममा नाटाका निर्वतमान केन्द्रिय अध्यक्ष अच्युत गुरागाई, नेपालगन्ज उपमहानगरपालिकाका नगर प्रमुख प्रशान्त विष्ट, कोहलपुर नगरपालिकाका नगर प्रमुख पूर्णप्रसाद आचार्य, राप्ती सोनारी गाउँपालिका अध्यक्ष तप्तबहादुर पौडेल, नेपालगन्ज उपमहानगरपालिकाका निर्वतमान नगर प्रमुख डा. धवलसम्शेर राणा, पर्यटन विकास परिषद बुटवलका कार्यकारी निर्देशक रामु जोशी, नाटा सुदुरपश्चिम अध्यक्ष मायाप्रसाद भट्ट, होटल ब्यवसायी महासंघ लुम्बिनी प्रदेशका अध्यक्ष भाष्कर काफ्ले, नेपालगन्ज उद्योग वाणिज्य संघका महासचिव चिरञ्जीवी ओली, होमस्टे एशोसियशनका कृष्ण चौधरी, बुद्ध एयरका नेपालगन्ज प्रमुख बिनित शाह, नेपाल प्रेस युनियन बाँकेका अध्यक्ष अर्जुन ओली, प्रेस चौतारी बाँकेका अध्यक्ष दुर्गा रोकाय, पत्रकार शंकरप्रसाद खनाल लगायतले आ-आफ्नो सुझाव तथा धारणा राखेका थिए ।
भिडियो हेर्नुस् :
