नेपालगन्ज : नेपाली कांग्रेसको १४ औं महाधिवेशनका लागि बाँकेमा वडा तहका अधिवेशन अझै हुन सकेका छैनन् । देशभरी अधिवेशनको सरगर्मी बढिरहेका बेला बाँकेको अधिवेशन अन्यौलमा परेको हो ।
अधिवेशन अन्यौलमा पर्दा कार्यकर्तामा निराशा छाएको छ । कार्यकर्ताले चाडो वडा तहका अधिवेशन गर्नुपर्ने माग गरेका छन् । केन्द्रले अधिवेशन हुन नसकेका बाँकी जिल्लाका लागि पछिल्लो पटक असोज ५ गते अधिवेशन तोकेको थियो । तर, अहिलेसम्म अधिवेशनको तयारी सुस्त छ ।
पार्टीले वडा तहको अधिवेशन पछिल्लो समयमा असोज ५ गते तोकेपनि क्रियाशिल सदस्यको नामावली टुंगो नलागेका कारण कुनै तयारी गर्न नसकिएको कांग्रेसका वडा सभापति बताउँछन् । ‘अहिले सम्म अधिवेशनको कुनै तयारी भएको छैन, कार्यकर्ताहरुले सोधिरहन्छन्, धेरैलाई अधिवेशनप्रति चासो छ,’ एक जना वडासभापतिले भने ।
नेपाली कांग्रेस बाँकेका सभापति किरण कोइरालाले अधिवेशनको टुंगो नलाग्दा कार्यकर्ताहरु अहिले निराश भएको बताईन् । उनले भनिन्, ‘विपीले सुरुवाद गरेको नेपाली कांग्रेस र त्यतिबेलाका नेताहरुले जसरी यसलाई गति दिए, अब अहिले पार्टीको यो स्थिती देख्दाखेरी यति मान्छेहरु निराश छन् ।’
नेपाली कांग्रेस बाँकेका सभापति किरण कोइरालाले अधिवेशनको टुंगो नलाग्दा कार्यकर्ताहरु अहिले निराश भएको बताईन् । उनले भनिन्, ‘विपीले सुरुवाद गरेको नेपाली कांग्रेस र त्यतिबेलाका नेताहरुले जसरी यसलाई गति दिए, अब अहिले पार्टीको यो स्थिती देख्दाखेरी यति मान्छेहरु निराश छन् ।’ पार्टीको गतिविधीले कार्यकर्तामा निराशा छाएको सभापति कोइराला बताउँछिन् । ‘कार्यकर्ताले आफ्नो हिसाबले भोट दिन पाएका छैनन्, वडाले निर्णय गरेर पठाएको सदस्यता पाएका छैनन्, यसले गर्दा अहिले वास्तवमा निराशा छाइरहेको छ ।’
नेपाली कांग्रेसले बाँके लगायत केही जिल्लामा विवाद रहेको भन्दै त्यहाँ अधिवेशन रोकेको छ । बाँकेको क्रियाशिल सदस्य संख्या अझै एकिन भएको छैन । समयमा क्रियाशिल सदस्यताको टुंगो नलाग्नु, समयमा अधिवेशन नहुनु राम्रो लक्षण नभएको नेता निरन्जनसिंह सिजापति बताउँछन् ।
उनी भन्छन्, ‘यो कांग्रेसका लागि राम्रो लक्षण होईन, पहिले नै राम्रो वा नराम्रो जे जसरी भएपनि अधिवेशन टुंग्याउनुपथ्र्यो, पार्टीभित्र आपसमा बाजाबाजको अवस्था छ ।’ क्रियाशिलको टुंगो नलाग्दा कार्यकर्ता ढुक्क हुने स्थिती नै नरहेको सिजापतिले बताए । ‘कतै मेरै नाम क्रियाशिलमा आउँछ वा आउँदैन भन्नेमा ढुक्क छै,’ उनले भने ।
विधी र पद्धतिमा चल्नुपर्ने नेपाली कांग्रेस आफैले तोकिएको समयभित्र अधिवेशन गर्न नसक्दा आमकार्यकर्तामा निराशा छाएको नेता सिजापतिले बताए । उनले भने, ‘अधिवेशनमा अनिश्चितताको अवस्थाले गर्दा सबै कार्यकर्तालाई निराश पारेको छ ।’
पार्टी केन्द्रले बाँकेलाई विवादित जिल्लाको सूचीमा राखेपनि यहाँका नेता, कार्यकर्ता खासै विवाद नरहेको जिकिर गर्छन् । क्रियाशिल सदस्यता वितरणमा देखिएको सामान्य विवादलाई केन्द्रका नेताले नै झन् विवादमा ल्याएको अधिकांसको गुनासो छ ।
पार्टी केन्द्रले बाँकेलाई विवादित जिल्लाको सूचीमा राखेपनि यहाँका नेता, कार्यकर्ता खासै विवाद नरहेको जिकिर गर्छन् । क्रियाशिल सदस्यता वितरणमा देखिएको सामान्य विवादलाई केन्द्रका नेताले नै झन् विवादमा ल्याएको अधिकांसको गुनासो छ ।
जिल्ला सभापति कोइराला पनि बाँकेमा आफुले खासै विवाद नदेखेको तर्क गर्छिन् । ‘मैले त बाँकेमा विवाद नै देखेको छैन, तैपनि यो जिल्लालाई विवादित बनाइयो,’ उनले भनिन् । कांग्रेसका पुर्वसभापति एवम् पुर्वप्रधानमन्त्री स्वर्गिय सुशिल कोइरालाको गृहजिल्ला हो, बाँके । यसले गर्दा बाँकेको राजनीतिलाई चासोका रुपमा हेरिन्छ ।
भिडियो हेर्नुस् :
