कपास विकास समिति सञ्चालक समिति सदस्य पौडेलको बिदाई

अर्थ

Home
अर्थ
कपास विकास समिति सञ्चालक समिति सदस्य पौडेलको बिदाई

कपास विकास समिति सञ्चालक समिति सदस्य पौडेलको बिदाई

^{नेपालगन्ज : कपास विकास समिति सञ्चालक समितिका सदस्य शरदचन्द्र पौडेललाई बिदाई गरिएको छ । अर्थ मन्त्रालयका प्रतिनिधी तथा आन्तरिक राजश्व कार्यालय नेपालगन्जका प्रमुख समेत रहेका उनलाई आइतबार एक समारोहका बीच कपास विकास समितिले बिदाई गरेको हो ।}

^{झण्डै दुई वर्ष आन्तरिक राजश्व कार्यालय नेपालगन्जको प्रमुखका रुपमा कार्य सम्पादन गरेका पौडेललाई अर्थ मन्त्रालयले कपास विकास समिति सञ्चालक समिति सदस्यको समेत जिम्मेवारी प्रदान गरेको थियो । कपास विकास समितिका अध्यक्ष हेमन्तराज काफलेको अध्यक्षतामा आयोजित कार्यक्रममा कार्यकारी निर्देशक बुद्ध थापा घर्ती सहित कर्मचारीको उपस्थिती रहेको थियो ।}

^{बोर्ड सदस्य पौडेलले आफूले सुरुमा कपासको विजोग अवस्था देख्दा आँखाबाट आँसु झरेको स्मरण गर्दै राज्यको यति ठूलो सम्पत्तिको सबैले संरक्षण गर्नुपर्ने दायित्व रहेको बताए । समितिका अध्यक्ष काफ्लेले पौडेलको भावी जीवन सुखद र सफल रहोस् भन्ने सुभेच्छा प्रकट गर्दै पौडेलको सरल र सहयोगी स्वभाव सधै स्मरणीय रहने बताए ।}

^{कर्मचारी सरुवा हुने यो राज्यको नियम भएकाले बोर्ड सदस्यको सरुवा हुँदा नरमाइलो महसुस भएको बताए । उनले समितिका तर्फबाट मायाको चिनो हस्तान्तरण गर्दै कपाससँगको साइनो अटुट रहने अपेक्षा व्यक्त गरेका थिए । समितिका कार्यकारी प्रमुख घर्तीले कपास विकास समितिको प्रगति र भावी योजनाका बारेमा जानकारी गराएका थिए ।}

^{बिदाई कार्यक्रममा कपास विकास अधिकृत विजयकुमार जोशी सहितका कर्मचारीले पौडेलको कपास प्रतिको चिन्ता र चासोको उच्च सम्मन गर्दै भावी जीवनको सफलताको कामना गरेका थिए ।}

प्रकाशित मिति: आइतबार, भदौ २६, २०७९ २२:३५

प्रतिक्रिया दिनुहोस्