प्रतिनिधिसभाको कार्यकाल सकिएपछि दुई विधेयक प्रमाणीकरण

राजनीति

Home
राजनीति
प्रतिनिधिसभाको कार्यकाल सकिएपछि दुई विधेयक प्रमाणीकरण

प्रतिनिधिसभाको कार्यकाल सकिएपछि दुई विधेयक प्रमाणीकरण

काठमाडौं : प्रतिनिधिसभाको कार्यकाल सकिएपछि राष्ट्रपति भण्डारीसमक्ष पुगेका दुई विधेयक भने आइतबार प्रमाणीकरण भएका छन् । राष्ट्रपति विद्यादेवी भण्डारीले प्रतिनिधिसभाको अधिवेशन अन्त्यपछि सभामुखले प्रमाणित गरी पठाएका दुई विधेयक प्रमाणीकरण गरेकी हुन् ।

सहरी क्षेत्र एकीकृत सार्वजनिक यातायात व्यवस्थापन गर्ने सम्बन्धमा व्यवस्था गर्न बनेको विधेयक र कारागारसम्बन्धी कानुनलाई संशोधन तथा एकीकरण गर्न बनेको विधेयक प्रमाणीकरण गरेकी हुन् ।

नागरिकता विधेयक भदौं २० गते राष्ट्रपतिसमक्ष पठाइएको थियो, त्यसलाई प्रमाणीकरण नगरीकन त्यही समयमा पठाइएका विधेयकहरूमध्ये तथ्यांकसम्बन्धी कानुनलाई संशोधन र एकीकरण गर्न बनेको विधेयक २०७९, स्ट्यान्डर्ड नाप र तौल ऐन २०२५ लाई संशोधन गर्न बनेको विधेयक २०७९, प्रत्यायन सम्बन्धमा व्यवस्था गर्न बनेको विधेयक २०७९, योगमाया आयुर्वेदिक विश्वविद्यालयको सम्बन्धमा व्यवस्था गर्न बनेको विधेयक भदौं २८ गते प्रमाणीकरण भएका थिए ।

नागरिकता विधेयक प्रमाणीकरण नगर्दा राष्ट्रपति भण्डारी विवादमा मुछिएकी छन् । यससम्बन्धी मुद्दा यतिबेला सर्वोच्च अदालतमा विचाराधीन अवस्थामा पुगेको छ ।

प्रकाशित मिति: बिहीबार, असोज १३, २०७९ ०७:१७

प्रतिक्रिया दिनुहोस्