सल्यान दुर्घटना : गम्भीर घाइते तिलकको उपचारका क्रममा मृत्यु

समाज

Home
समाज
सल्यान दुर्घटना : गम्भीर घाइते तिलकको उपचारका क्रममा मृत्यु

सल्यान दुर्घटना : गम्भीर घाइते तिलकको उपचारका क्रममा मृत्यु

नेपालगन्ज : सल्यान दुर्घटनाका घाइतेको उपचारका क्रममा मृत्यु भएको छ । सल्यानमा गत मंगलबार भएको सवारी दुर्घटनामा परी गम्भीर घाइते भएका तिलक ओलीको उपचारका क्रममा मृत्यु भएको हो ।

ओलीको मृत्यु भएसँगै उक्त दुर्घटनामा परी मृत्यु हुनेको संख्या ९ पुगेको छ । जिल्ला प्रहरी कार्यालय सल्यानका अनुसार ओलीको उपचारका क्रममा बिहीबार राती नेपालगन्ज मेडिकल कलेज शिक्षण अस्पताल कोहलपुरमा मृत्यु भएको थियो ।
दुर्घटनामा परी जिपमा सवार ८ जनाको घटनास्थलमा मृत्यु भएको थियो ।

गम्भीर घाइते भएका तिलकलाई उपचारका लागि राप्ती प्रादेशिक अस्पताल तुलसीपुरमा ल्याइएको थियो । त्यहाँ प्रारम्भिक उपचारपछि थप उपचारका लागि कोहलपुर ल्याइएको थियो । रा १ ज ५६३ नम्बरको जिप बाँकेको ढकेरीबाट सल्यानको कपुरकोट गाउँपालिका वडा नम्बर ६ जलवाङतर्फ जाँदै गर्दा मंगलबार मध्ये राती कपुरकोट गाउँपालिका वडा नम्बर ३ मुलपानीमा दुर्घटना भएको थियो ।

सम्बन्धित समाचार :

सल्यानमा जीप दुर्घटना, बालकसहित ८ को मृत्यु

प्रकाशित मिति: शुक्रबार, असोज १४, २०७९ १४:४६

प्रतिक्रिया दिनुहोस्