नेपालगन्ज : नेपालगन्जमा हुन लागेको ‘चौथो प्रादेशिक औद्यौगिक, लघु घरेलु तथा कृषि, प्रविधि व्यापार एवं पर्यटन महोत्सव २०७९’ को तयारी तीब्र पारिएको छ । महोत्सवको करिव ८० प्रतिशत स्टल बुकिङ भइसकेको आयोजकले जनाएको छ ।
महोत्सवमा स्टलहरु धमाधम बुकिङ भइरहेको सचिवालयले जनाएको छ । हाल सम्म करिव ८० प्रतिशत स्टलहरु बुकिङ भईसकेको मुख्य आयोजक नेपाल घरेलु तथा साना उद्योग महासंघ बाँकेका महासचिव जिआर भुसालले जानकारी दिए ।
‘हाल सम्मको अवस्था हेर्दा हामीसँग करिब ८० प्रतिशत स्टलहरु बुकिङ भईसकेका छन्, जसमा होटल लाईनको सबै स्टल बुकिङ भईसकेको छ, स्थानीय उद्योगका स्टल बुकिङ हुने क्रम जारी नै छ,’ उनले भने । स्थनीय उद्योगलाई बढी प्रवद्र्धनका लागि महोत्सवमा धेरै स्टलहरु छुट्याइएको छ ।
औद्यौगीक र व्यापारिक स्टलहरु केही मात्र बाकी रहेको महासचिव भुसालले बताए । ‘समृद्ध नेपालको प्रमुख आधार कृषि, उद्योग, पर्यटन संस्कृती र व्यापार प्रवद्र्धनका साथ नागरिक स्वरोजगार’ भन्ने मुल नाराका साथ हुन लागेको महोत्सवको नेपालगन्ज उपमहानगरपालिका वडा नम्बर १८ स्थित कारकादो नजिक सचिवालय समेत स्थापना गरिएको छ ।
स्टल बुकिङ खुल्ला रहेकोले सचिवालयमा सम्र्पक गर्न हुन नेपाल घरेलु तथा साना उद्योग महासंघ बाँकेकी अध्यक्ष मधु खड्काले अनुरोध गरेकी छन् । नेपाल घरेलु तथा साना उद्योग महासंघ बाँकेको आयोजना र सिवालय सेक्युरिटी एण्ड मल्टी प्रपोज कम्पनी प्रा.लि. को सह-आयोजनामा यही माघ १० गते देखि २४ गते सम्म नेपालगन्ज १८ स्थित सडक डिभिजन कार्यालय कारकादो परिसरमा महोत्सव हुन लागेको हो ।
