नेपालगन्ज : नेपाल चार्टर्ड एकाउन्टेन्ट्स संस्था, नेपालगन्ज शाखाले संस्थाको २६ औं वार्षिकोत्सव विभिन्न कार्यक्रम गरी मनाएको छ । वार्षिकोत्सवका अवसरमा शाखाले नेपालगन्जमा मैत्रीपूर्ण फुटसल प्रतियोगिता तथा औपचारीक कार्यक्रम गरेको छ ।
नेपाल चार्टर्ड एकाउन्टेन्ट्स संस्था (आईक्यान) नेपालगन्ज, नेपाल चार्टर्ड एकाउन्टेन्ट्स संघ (एक्यान), नेपाल अडिटर्श एशोसिएसन( अडान), आन्तरिक राजश्वकार्यालय र नेपालगन्ज उद्योग बाणिज्य संघ सँग मंगलबार मैत्रीपूर्ण फुटसल प्रतियोगिता भएको थियो ।
जसमा लिग चरणको खेलमा जम्मा ९ खेल हुदा नेपाल चार्टर्ड एकाउन्टेन्ट्स संघ (एक्यान) र नेपालगन्ज उद्योग बाणिज्य संघले ३/३ खेल जिति ९ अंक साथ अग्रस्थानमा रहे भने आईक्यानले दुई खेल जितेर ६ अंक प्राप्त गर्यो । उक्त खेलमा अडानले एक खेल जिति ३ अंक प्राप्त गर्यो । आन्तरिक राजश्व कार्यालयले भने सबै खेल हार्नु पर्दा अंक विहिन हुनुपर्यो ।
फाईनल खेलमा उच्च अंक साथ नेपाल चार्टर्ड एकाउन्टेन्ट्स संघ, बांके र नेपालगंज उद्योग बाणिज्य संघ पुग्न सफल भएका थिए । फाईनलमा नेपाल चार्टर्ड एकाउन्टेन्टेस संघ, बाँकेले नेपालगन्ज उद्योग बाणिज्य संघ लाई ७-२ गोल अन्तरले हराउदै आईक्यान कप नेपालगन्ज २०७९ जित्न सफल भयो ।
यस्तै संस्थाको २६ औं वार्षिकोत्सवको अवसरमा औपचारीक कार्यक्रम सम्पन्न भएको छ । नेपालगन्ज शाखा समन्वय समितिका संयोजक सिए. विश्वराम भण्डारीको सभापतित्वमा भएको उक्त कार्यक्रममा बाँकेका प्रमुख जिल्ला अधिकारी विपिन आचार्य प्रमुख अतिथी थिए ।
यस्तै कार्यक्रमका विशिष्ट अतिथी एवम् नेपाल राष्ट्र बैंक नेपालगन्जका प्रमुख सुमन कुमार नेपाल, आन्तरिक राजश्व कार्यालय नेपालगन्जका प्रमुख कर अधिकृत सुदिश कुमार अर्याल र नेपालगन्ज उद्योग बाणिज्य संघका अध्यक्ष अव्दुल वाहिद मन्सुरी लगायतले वार्षिक उत्सवको अवसरमा शुभकामना मन्तव्य ब्यक्त गर्दै आइक्यानको उच्वलभ विष्यको कामना गर्नु गरेका थिए ।
कार्यक्रम संचालन गर्दै नेपाल चार्टर्ड एकाउन्टेन्ट्स संंस्था नेपालगन्ज शाखाका प्रमुख देवराज अधिकारीले उद्देश्यमाथी प्रकाश पारेका थिए । कार्यक्रममा करिव ५५ जनाको उपस्थिती रहेको थियो । नेपालगन्ज शाखा समन्वय समितिका सदस्य आर.ए मोहम्मद जुवेर राईले स्वागत मन्तव्य तथा समितिका सदस्य आर.ए गोकर्ण प्रसाद आचार्यले आईक्यानको विषयमा विस्तृत जानकारी गराएका थिए ।
उक्त कार्यक्रममा मैत्रीपूर्ण फुटसल प्रतियोगितामा प्रथम हुने एक्यान बाँकेलाई हस्तान्तरण गरिएको थियो, भने खेलमा सहभागी सम्पुर्ण खेलाडीलाई समितिका संयोजक सिए. विश्व राम भण्डारीले प्रमाणपत्र हस्तान्तरण गरेका थिए ।
