बैजनाथमा ३२ हजार बढीले हात्तीपाईले रोग विरुद्धको औषधी खाए

स्वास्थ्य

Home
स्वास्थ्य
बैजनाथमा ३२ हजार बढीले हात्तीपाईले रोग विरुद्धको औषधी खाए

बैजनाथमा ३२ हजार बढीले हात्तीपाईले रोग विरुद्धको औषधी खाए औषधी ढुक्कसँग सेवन गर्न गाउँपालिका अध्यक्ष शाहीको आग्रह

दूरसञ्‍चार आइतबार, फागुन १४, २०७९

बाँके (बैजनाथ) : बैजनाथ गाउँपालिकामा हात्तीपाईले रोग विरुद्धको औषधी अहिलेसम्म ३२ हजारभन्दा बढीले सेवन गरेका छन् । आम औषधी सेवन अभियान अन्तरगत गाउँपालिका अध्यक्ष प्रकाशबहादुर शाहीले यही फागुन ११ गते हात्ती पाईले रोग विरुद्धको औषधी खाएर उद्घाटन गरेका थिए ।

गाउँपालिकाका स्वास्थ्य शाखा प्रमुख लक्ष्मण शाहीले दिएको जानकारी अनुसार गाउँपालिकाको ८ वटै वडामा चौथो दिनसम्म कुल ३२ हजार १ सय ९१ अर्थात ४४ दशमलभ ८ प्रतिशतले औषधी सेवन गरेका हुन् । अभियान अन्तरगत पहिलो दिन १० हजार ६ सय ६४ जनाले औषधी सेवन गरेका थिए ।

यस्तै दोस्रो दिन ८ हजार १ सय ५४, तेस्रो दिन ५ हजार १ सय ३१ र चौथो दिन ८ हजार २ सय ४२ जनाले औषधी सेवन गरेको शाखा प्रमुख शाहीले बताए । गाउँपालिकाले कुल ७१ हजार ८ सय ६१ जनालाई औषधी खुवाउने लक्ष्य राखेकोमा अझै ३९ हजार ६ सय ७० जना औषधी खान बाँकी रहेका छन् ।

अभियान अन्तरगत प्रत्येक वडामा रहेका स्वास्थ्य संस्थामा औषधी खुवाउने कार्यक्रम सञ्चालन गरिएको छ । हात्ती पाईले रोग विरुद्धको औषधी ढुक्कसँग सेवन गर्न गाउँपालिका अध्यक्ष शाहीले सबैलाई आग्रह गरेका छन् ।

Haatipaile Aviyan_Baijanath1677435047.jpg