रवि लामिछाने विरूद्ध मुद्दा नचलाउने निर्णयविरुद्ध सर्वोच्चमा रिट

राजनीति

Home
राजनीति
रवि लामिछाने विरूद्ध मुद्दा नचलाउने निर्णयविरुद्ध सर्वोच्चमा रिट

रवि लामिछाने विरूद्ध मुद्दा नचलाउने निर्णयविरुद्ध सर्वोच्चमा रिट

काठमाडौं : राहदानी दुरुपयोग मुद्दामा अनुसन्धानको माग राख्दै राष्ट्रिय स्वतन्त्र पार्टी (रास्वपा) का सभापति रवि लामिछाने विरुद्ध सर्वोच्च अदालतमा रिट निवेदन पेस गरिएको छ । यसअघि नागरिकताबारे लामिछानेविरुद्ध रिट निवेदन दिएका युवराज सफलले सर्वोच्च अदालतमा राहदानी विवादमा मुद्दा नचलाउने महान्यायाधिवक्ताको निर्णयविरुद्ध रिट निवेदन पेस गरेका हुन् ।

उक्त रिटमा प्रहरी र महान्यायाधिवक्ता कार्यालयलको यही निर्णय उल्ट्याएर राहदानी दुरुपयोग कसुरमा लामिछाने विरुद्ध मुद्दा चलाउनुपर्ने माग गरिएको छ । सर्वोच्च प्रशासनले रिट निवेदन अध्ययन गरिरहेको स्रोतले जनाएको छ ।

सर्वोच्च स्रोतका अनुसार रिट निवेदन दर्ता गर्ने कि नगर्ने भन्ने विषयमा छलफल भइरहेको छ । प्रहरीले फागुन ३० गते र महान्याधिवक्ताको कार्यालयले चैत ६ गते राहदानी दुरुपयोग कसुरमा लामिछाने विरुद्ध मुद्दा नचलाउने निर्णय गरेको थियो ।

प्रहरीले छानबिन पश्चात लामिछानेले राहदानी लिएको भएपनि त्यसको प्रयोग नगरेको भन्ने मुख्य आधार लिँदै मुद्दा दायर गर्नुनपर्ने राय दिएपछि त्यसलाई नै महान्यायाधिवक्ता कार्यालयले सदर गरेको थियो ।

नागरिकता विवाद मुद्दामा माघ १३ गते सर्वोच्च अदालतले लामिछानेको सांसद पद खारेज गरेको थियो । उनको नागरिकता सम्बन्धी मुद्दा भने टुंगो लागिसकेको छ । यो रिट दर्ता भएको अवस्थामा चितवन २ मा वैशाख १० गते हुने प्रतिनिधिसभा सदस्यको उपनिर्वाचनमा उम्मेदवारी दिने तयारीमा रहेका लामिछानेलाई अप्ठेरो पनि पर्न सक्नेछ ।

प्रकाशित मिति: आइतबार, चैत १९, २०७९ १७:२७

प्रतिक्रिया दिनुहोस्