चितवन, तनहुँ र बारामा शान्तिपूर्ण मतदान जारी

राजनीति

Home
राजनीति
चितवन, तनहुँ र बारामा शान्तिपूर्ण मतदान जारी

चितवन, तनहुँ र बारामा शान्तिपूर्ण मतदान जारी स्वर्णिम र सर्वेन्द्रले भोट हाल्न पाएनन्

चितवन : चितवन, तनहुँ र बारामा शान्तिपूर्ण रुपले मतदान चलिरहेको निर्वाचन आयोगले जनाएको छ । तीनै निर्वाचन क्षेत्रमा मतदान सुरु भएको हो । बारा २, चितवन २ र तनहुँ १ का विभिन्न मतदान स्थलमा मतदान चलिरहेको छ ।

आइतबार बेलुका ५ बजेसम्म मतदान जारी रहने आयोगले जनाएको छ । आयोगले मतदानका दिन पनि आचार संहिताको प्रभावकारी कार्यान्वयनका लागि निर्वाचन अनुगमन समिति, विशेष अनुगमन टोली र अनुगमन अधिकृतलाई खटाइएको जनाएको छ । मतदान कार्यमा खटिएका कर्मचारी एवं सुरक्षाकर्मीबाट समेत सूक्ष्म अनुगमनको कार्य भइरहेको आयोगले जनाएको छ ।

गत संसदीय निर्वाचनमा चितवनबाट निर्वाचित राष्ट्रिय स्वतन्त्र पार्टीका सभापति रवि लामिछानेको नागरिकता मुद्दामा अदालतले फैसला गरेपछि उनको पद गएको थियो । यस्तै, तनहुँबाट निर्वाचित रामचन्द्र पौडेल राष्ट्रपति निर्वाचित भएसँगै उक्त क्षेत्र र बाराबाट निर्वाचित रामसहाय यादव उपराष्ट्रपति बनेपछि उक्त क्षेत्रमा उपनिर्वाचन हुन लागेको हो ।

निर्वाचनमा स्वर्णिम वाग्ले र सर्वेन्द्र खनालले भोट हाल्न पाएनन् । उनीहरु त्यहाँका मतदाता नभएकाले भोट हाल्न नपाएका हुन् ।

Upa Nirbachan_Photo1682220530.jpg