नगरको स्वामित्वमा रहेका घर, सटरको भाडा छुट गर्न माग

अर्थ

Home
अर्थ
नगरको स्वामित्वमा रहेका घर, सटरको भाडा छुट गर्न माग

नगरको स्वामित्वमा रहेका घर, सटरको भाडा छुट गर्न माग 'ब्यवसायीको मागप्रति सकारात्मक छौं' : मेयर आचार्य

कोहलपुर : घरभाडा छुट गर्नुपर्ने लगायतका माग कोहलपुर नगरपालिकालाई बुभबार ध्यानाकर्षण पत्र बुझाइएको छ । व्यवसायिक हकहित संरक्षण समिति कोहलपुरले नगर प्रमुख (मेयर) पूर्णप्रसाद आचार्य र प्रमुख प्रशासकीय अधिकृत टिकाराम ढकाललाई उक्त ध्यानाकर्षण पत्र बुझाएको हो ।

समितिका संयोजक राजेन्द्र कुमार श्रेष्ठ, सचिव तिलक सिंह कार्की, उद्योग वाणिज्य महासंघका निर्वतमान केन्द्रिय सदस्य चक्र अधिकारी, अन्य ब्यवसायी लगायतले पत्र बुझाएका थिए । दुई वर्षअघि कोरोना महामारीका कारण व्यापार व्यवसाय धरासयी भएको भन्दै नगर विकास समितिको स्वामित्वमा रही बहालमा लगाइएका घर, सटरहरुको सम्झौतामा कवुल गरिएको भाडामा कम्तिमा १५ देखि २० प्रतिशतसम्म छुट गर्न समितिले माग गरेको छ ।

‘नगर विकास समितिको स्वामित्वमा रहेका सम्झौता कवुल गरिएका घर, सटरमा कम्तिमा पनि १५ देखि २० प्रतिशत छुट हुनु पर्छ भन्ने हाम्रो माग हो, अवस्था सुधार भएपछि सम्झौता अनुसार घर सटर भाडा दिन हामीलाई कुनै गाह्रो छैन,’ श्रेष्ठले भने । नगर प्रमुख आचार्यले आफुले नगरको समग्र विकासका निम्ति काम गरिरहेको बताउँदै ब्यवसायीको मागप्रति सकारात्मक रहेको प्रतिक्रिया दिए ।

प्रकाशित मिति: बुधबार, वैशाख २०, २०८० २२:०६

प्रतिक्रिया दिनुहोस्