समामुख घिमिरे र दक्षिण कोरियाका राजदूतबीच भेट

राजनीति

Home
राजनीति
समामुख घिमिरे र दक्षिण कोरियाका राजदूतबीच भेट

समामुख घिमिरे र दक्षिण कोरियाका राजदूतबीच भेट

काठमाडौं : प्रतिनिधि सभाका सभामुख देवराज घिमिरेसँग दक्षिण कोरियाका नवनियुक्त राजदूत पार्क तइयोङले शिष्टाचार भेट गरेका छन् । सिंहदरबारस्थित सभामुखको कार्यकक्षमा बुधबार भएको भेटमा दुई देश बीचको सम्बन्ध, संसदीय अनुभव आदानप्रदान र आर्थिक विकास लगायतका विषयमा कुराकानी भएको थियो ।

भेटमा सभामुख घिमिरेले आगामी वर्ष नेपाल र कोरियाको कूटनीतिक सम्बन्ध स्थापना भएको ५० औँ वार्षिकोत्सवलाई विशेष महत्वका साथ जनस्तरमा पनि सञ्चालन गर्नुपर्नेमा जोड दिए । उनले दक्षिण कोरियामा ८५ हजारभन्दा बढी नेपाली श्रमिक कार्यरत रहेको भन्दै कोरियाले नेपालको आर्थिक विकासमा पुर्याएको सहयोग उल्लेखनीय रहेको बताए ।

कोरियाली कम्पनी सामसुङले नेपालमा कारखाना सुरु गरेकोमा धन्यवाद दिँदै उनले नेपालमा थप लगानी गर्न आग्रहसमेत गरे । बौद्ध जन्मस्थल लुम्बिनीमा कोरियाबाट उल्लेख्य पर्यटक आइरहेको भन्दै उनले आगामी दिनमा पर्यटन आवागमन बृद्धि हुने विश्वास व्यक्त गरे ।

सभामुख घिमिरेले राजदूत तइयोङलाई सिधा हजाई उडानतर्फ समेत ध्यानार्कषण गराए । ‘नेपाल–कोरिया सिधा हवाई उडानका लागि कोरिया सरकारले तदारुकता देखाउने विश्वास गरेका छौं,’ उनले भने । राजदूत तइयोङले कोरियाको रोजगार क्षेत्रमा नेपाली कामदारको उल्लेख्य उपस्थिति रहेको बताउँदै नेपालीहरू ‘शिष्ट, मेहनती र अनुशासित’ रहेको टिप्पणी समेत गरे ।

प्रकाशित मिति: बुधबार, जेठ ३१, २०८० २२:२७

प्रतिक्रिया दिनुहोस्