सरकार र आन्दोलनकारी शिक्षकबीचको वार्ता निष्कर्षविहीन

राजनीति

Home
राजनीति
सरकार र आन्दोलनकारी शिक्षकबीचको वार्ता निष्कर्षविहीन

सरकार र आन्दोलनकारी शिक्षकबीचको वार्ता निष्कर्षविहीन

काठमाडौं : आन्दोलनरत शिक्षक र सरकारबीच भएको पहिलो वार्ता निष्कर्षविहीन भएको छ । उपप्रधानमन्त्री तथा गृहमन्त्री नारायणकाजी श्रेष्ठको पहलमा बिहीबार बिहान पहिलो चरणको वार्ता भएको थियो ।

उनीहरुको मागप्रति सरकार सकारात्मक नबनेपछि विद्यालय बन्द गरेर सडक आन्दोलनमा उत्रिएका शिक्षकसँगको वार्ता निष्कर्षविहीन भएको हो । गृह मन्त्रालयमा भएको वार्तामा शिक्षामन्त्री अशोक राई र सचिव सुरेश अधिकारी समेत सहभागी भएका थिए ।

आन्दोलनकारी शिक्षकहरूको नेतृत्व गरिरहेको नेपाल शिक्षक महासंघकी अध्यक्ष कमला तुलाधरसहित शिक्षक संघ, संगठनका प्रतिनिधि वार्तामा सहभागी भएका थिए ।

वार्तामा उपप्रधानमन्त्री श्रेष्ठले शिक्षकको समस्या सबैको साझा भएकाले आन्दोलन फिर्ता लिन आग्रह गर्दै संघीय शिक्षा विधेयकलाई सबैको सहमतिमा संशोधन गर्न सकिने बताएका थिए । आन्दोलनरत शिक्षकका प्रतिनिधिले भने विधेयक फिर्ता नभएसम्म आन्दोलनका कार्यक्रम फिर्ता नहुने बताएको गृहमन्त्रालय स्रोतले जनाएको छ ।

प्रकाशित मिति: बिहीबार, असोज ४, २०८० ११:२१

प्रतिक्रिया दिनुहोस्