भारतले उपहार दिएका 'मुर्रा' राँगा नेपालगन्ज ल्याइँदै

अर्थ

Home
अर्थ
भारतले उपहार दिएका 'मुर्रा' राँगा नेपालगन्ज ल्याइँदै

भारतले उपहार दिएका 'मुर्रा' राँगा नेपालगन्ज ल्याइँदै

नेपालगन्ज : भारतले उपहार दिएका मध्ये १५ वटा ‘मुर्रा’ जातको राँगा बिहीबार दिउँसो नेपालगन्ज ल्याउन लागिएको छ । रुपैडिहा नाका हुँदै नेपाल प्रवेश गराउन लागिएको हो । प्रधानमन्त्री पुष्पकमल दाहालको भारत भ्रमणका क्रममा भारतले दिने प्रतिवद्धता जनाएको थियो ।

पशु क्वारेनटाइन कार्यालय नेपालगन्जका प्रमुख विनयकुमार कर्णले भारतको हरियाणाबाट हिँडिसकेका ती राँगा दिउँसो १ बजे ट्रकमा रुपैडिहा नाका हुँदै नेपाल ल्याउन लागिएको जानकारी दिएका छन् । उनले भने, ‘मुर्रा जातको राँगा दिउँसो १ बजे यहाँ आइपुग्छन् भन्ने खबर आएको छ ।’

प्रमुख कर्णले ती राँगा क्वारेनटाइन गरेपछि क्वारेनटाइन विभागका पदाधिकारीलाई जिम्मा लगाइने बताए । प्रधानमन्त्री दाहाल भारत भ्रमणबाट फर्किएपछि छिमेकी देशले मुर्रा राँगा उपहार दिन लागेको भन्दै प्रतिनिधिसभा बैठक लगायतमा यसलाई हाँसो र ठट्टाको विषय बनाइएको थियो ।

प्रधानमन्त्री दाहाललाई प्रतिपक्ष दल लगायतका नेताले पटक–पटक यही विषयमा धेरै पछिसम्म पनि व्यंग्य गरेका थिए । प्रधानमन्त्री दाहालले गत जेठ १७ गतेदेखि २० गतेसम्म दक्षिणी छिमेकी भारतको भ्रमण गरेका थिए ।

प्रकाशित मिति: बुधबार, मंसिर ६, २०८० ११:१८

प्रतिक्रिया दिनुहोस्