पुर्व-पश्चिम राजमार्गमा बाघको त्रास, साना सवारीको जोखिमपूर्ण यात्रा- (भिडियो सहित)

विशेष

Home
विशेष
पुर्व-पश्चिम राजमार्गमा बाघको त्रास, साना सवारीको जोखिमपूर्ण यात्रा- (भिडियो सहित)

पुर्व-पश्चिम राजमार्गमा बाघको त्रास, साना सवारीको जोखिमपूर्ण यात्रा- (भिडियो सहित)

नेपालगन्ज : बाँके राष्ट्रिय निकुञ्ज अन्र्तगत पर्ने पुर्व-पश्चिम राजमार्गमा साना सवारी साधनले यात्रा गर्दा अचेल विशेष सवधानी अपनाउने गरिएको छ । राप्तीसोनारी गाउँपालिका वडा नम्बर १ कुसुमस्थित गाभर क्षेत्रमा पाटेबाघ पटक-पटक देखा पर्न थालेपछि पुर्व-पश्चिम राजमार्गमा साना सवारी साधन आवत जावत गर्न जोखिम बढेको हो ।

निकुञ्जको शिवखोलादेखी प्रगतिनगर चेकपोष्टसम्म रातको समयमा साना सवारी साधन चलाउन निषेध गरिएको छ । दिउँसोको समयमा पनि धेरै समुहमा मात्र साना सवारी साधनलाई गुड्न दिइन्छ । ‘साना सवारी साधनलाई रातको समयमा नहिड्न अनुरोध गरिरहेका छौं, दिउँसोको समयमा चाही समुह बनाएर वा ठुला साधनको आड लिएर हिड्न भनेका छौं,’ निकुञ्जका प्रमुख संरक्षण अधिकृत श्यामकुमार शाह भन्छन् ।

एक महिनाअघि गाभरस्थित भेरी राप्ती स्टाफ होटलमा काम गर्ने एक भारतीय नागरिकलाई बाघले खाएको थियो । बाघले गाभर र सौरीमा थुप्रै गाई, बाख्रा मारिरहेको स्थानीय बताउँछन् । पुर्बपश्चिम राजमार्गमा अचेल दिनहुँजसो साना सवारी साधन समुह बनाएर वा ठुला सवारी साधनको आडमा गुडिरहेका छन् ।

‘पुर्व-पश्चिम राजमार्गको ठाउँ-ठाउँमा सुरक्षा पोष्ट छन्, नेपाली सेनाले यात्रा गर्दाखेरी समुहमा मात्रै जान दिने गरेको छ,’ यात्रु भन्छन् गु्रपमै भएपछि अलिकति सुरक्षित भइन्छ भनेर यात्रा गरिन्छ, तरपनि मनमा डर चाही हुँदो रहेछ ।’

यो पनि पढ्नुस् :

घर नजिकै बाघ कराउन थालेपछि रातभर जाग्राम

भिडियो हेर्नुस् :