जहाज दुर्घटना छानबिन गर्न समिति गठन गर्ने मन्त्रिपरिषदको निर्णय

राजनीति

Home
राजनीति
जहाज दुर्घटना छानबिन गर्न समिति गठन गर्ने मन्त्रिपरिषदको निर्णय

जहाज दुर्घटना छानबिन गर्न समिति गठन गर्ने मन्त्रिपरिषदको निर्णय

काठमाडौं : सौर्य एयरलाइन्सको जहाज दुर्घटनाबारे छानबिन गर्न सरकारले समिति गठन गरेको छ । मन्त्रिपरिषद्को बुधबार बसेको बैठकले छानबिन समिति गठन गर्ने निर्णय गरेको हो ।

रतिश चन्द्रलाल सुमनको संयोजकत्वमा गठित समितिमा ५ सदस्य रहेका छन् । सदस्यहरू नेपाल वायुसेवा निगमका क्याप्टेन दिपुराज ज्वारचन, पुल्चोक क्याम्पसका प्राध्यापक डा.सुदीप भट्टराई, श्री एयरलाइन्सका कर्मचारी सञ्जय अधिकारी, नेपाल नागरिक उडड्यन प्राधिकरणका कन्ट्रोल अफिसर मुकेश डंगोल रहेका छन् । समितिले ४५ दिनमा प्रतिवेदन बुझाउन पर्नेछ ।

दुर्घटनामा निधन भएका ब्यक्तिको सम्मानमा बिहीबार(भोलि) राष्ट्रिय झण्डा आधा झुकाउने निर्णय समेत सरकारले गरेको छ । बुधबार बिहान त्रिभुवन विमानस्थलमा पोखरा उडेको सौर्य एयरको नाइनएन-एएमईरसिआरजे २०० कलसाइनको जहाज दुर्घटना भएको थियो । उक्त जहाजमा पाइलट र को–पाइलट सहित १९ जना सवार थिए ।

जसमध्ये १८ जनाको मृत्यु भइसकेको नेपाल नागरिक उड्डयन प्राधिकरणले जानकारी दिएको छ । दुर्घटनामा घाईते भएका पाइलट मनीष शाक्यको केएमसी अस्पतालमा उपचार भइरहेको छ । उनको अवस्था गम्भिर रहेको अस्पताल स्रोतले जनाएको छ ।

प्रकाशित मिति: बुधबार, साउन ९, २०८१ १९:१७

प्रतिक्रिया दिनुहोस्